西部開發之旅
我的图书馆
西部開發之旅
西部開發之旅
第一站 ─ 西安Day 1 (15.07..2005) 從香港出發
今次旅程準備極小，只知大方向，去左到時先算，所以一路坐火車都仲一路睇緊書研究。而第一站就係絲路?起點──「西安」。
火車票早早入手，諗住一切都好順利啦，點知…去到深圳，竟然無火車去廣州＝＿＝！迫住上廣州東再行去廣州火車站…呃頂！
買左車票，都係唔放心，提早一班車上，去到廣州東都要跑先掂……好彩站務員肯俾我上車，如果唔係應該要忍住淚說聲Goodbye了！廣州火車站簡直用差去形容，人又多，又暗，指示唔明確，站務員唔係太幫你…。
由於太趕?關係，未出發，先遺失一袋野（頭巾，兩排電，一個earphone）加一個水樽＝＿＝……真係一個好?開始！
火車換票證，本身唔係訓中間鋪的，上到車有人話想同ｄ朋友一齊，我就咁由上鋪換到中鋪了（上鋪係最平，下鋪最貴）。
火車內。趕到隻狗，終於上到火車了…
火車要搭一日再多ｄｄ，全程除左?同睇書之外都無?好做，都係同火車上ｄ人交流一下先。火車內同卡??對面?一家人同?家人?爸爸，都幾 nice 的。
西安火車站
??到?乜都唔知頭唔知路，人生路不熟，即買地圖！之後盲中中跟左個人上車，去左一間賓館（車程一分鐘左右＝＿＝）六十蚊人仔一晚，竟然可以獨霸間房喎，都幾讚！！到達西安已經入黑，settle down 之後?市內行一行食下?，搵網吧醫下病就完成?西安第一日喇，真充實！！
Day 2 (17.07.2005) 文化之旅
西安天氣都幾熱，我本身夜晚?覺係唔開冷氣?，但?到半夜自動熱醒?，要向冷氣投降＝＿＝b
一個人去到西安，目的都係上華山，睇兵馬俑。但又唔熟路，地圖又唔覺有指示，都係跟當地一日團，計過度過，連入場費都ｏｋ喎，一跟！！
舍利子…但唔記得係邊個?。
臨潼博物館
先去臨潼博物館睇古石刻，壁畫，再到蔣介石當年戰敗時?藏身處—驪山。
驪山---老母殿=_/=
蔣介石藏身處，勁多人攀爬，可用鐵鍊，但其實手腳位勁多，可以唔用都得。
導遊姐姐小蘇，佢比我仲要細一年。
和仔專區：飛機大炮坦克
世界八大奇?館
世界八大奇?館
唔睇返相，去?都唔記得…
秦陵地宮，對歷史有興趣者可一遊，無就bye~
緊接又有世界八大奇?館＝＿\＝（人工製造）再黎秦陵地宮（ 又係人工製造，不過出色??） 地宮係依照古文獻推測而建造，可以想像到如果係堅?，真係好偉大！！
當然唔少得去埋秦始皇陵啦！接住落黎終於黎到萬眾期待?─兵馬俑！去西安一定要去，唔多講睇相啦，一個字─偉大！！
兵馬俑博物館
兵馬俑，超讚！！ 忽然間覺得中國人好偉大喎！
即時要一唱：大地在我腳下…國計掌於手中……
之後本來可去華清池，但係唔包門票覺得無咩好睇之下決定放棄，完成一日?西安文化之旅。當晚搵回民街搵食，但係去到?度竟然大整路！！只有好少?鋪頭開左，決定返市中心搵食。但由於天氣太熱喇，熱到幾乎唔想食?，只想飲?……
夜晚接到嘉鴻電話，原來佢之後?日要去喀納斯，但無哂錢，要我過數俾佢，咁唯有坐三輪車去搵中銀啦，點知……
第一間竟然無哂 cash，第二間就壞左機，去到第三間時手提無電……最後都係過唔到俾嘉鴻……之後佢死?了……不過多得嘉鴻同埋個唔識路?車夫，用?唔少錢?呢次過數之旅＝＿\＝
當地網吧勁多ｍｍ，仲要係熱褲?ｍｍ，多得一位熱褲ｍｍ幫助先致可以解決電腦hand機?問題，真係hand機hand得?時候喇！落探員無講錯，西安人的確 nice，又要多ｍｍ，爽！另外當日亦得知O...Ship勇奪ＴＣ３６季軍，感動！！
華山火車票入手！（20蚊人仔），向華山出發了！！
Day 3+4 (18.07..2005) 勇闖華山
賊船其他賊人?同年已經去?華山，因為當時忙緊畢業功課，今次點都要補返去。上火車前即買蘭州車票，但據嘉鴻講蘭州無咩值得去喎，唔通要放棄? 唔理住喇，出?發去華山先算！
華山火車站距離華山入口都有一段距離，所以要坐車或打的去，?火車站附近四圍望?，好彩見到四個上山?北京人，要使出合作技了，經北京朋友講價，最後位位１５蚊人仔，正當個司機去將?車過黎時，有另一架的士開價每人１０蚊人仔，嘩，即上！ ?車上談論緊放棄個當地司機好似唔係幾好咁，個司機好嬲呀，佢發火呀！！ 竟然追黎＝＿\＝，追到去華山入口處，最後屈住俾返錢佢－＿－唉，出發！
華山入口附近
火車站把結?四個北京朋友
七月?西安天氣真係幾熱，行?一陣，我終於頂唔住，要落水玩了。 華山?澗水同冰水係無咩分別，所以玩?一陣就已經失溫計畫，水溫應該比阿威冷十倍！
華山圖介紹返
天氣真係好熱
好多人都唔掂喇?澗?下游wacoo一番
一落水果然係冰極！
今次可以話係閒遊到唔可以再閒，北京朋友行?又食?，唔覺唔覺就已經上左北峰，仲睇埋個靚日落，讚！！呢個時候認識?一位獨行?蘇州姑娘 （ 佢對於我下一站黎講起?關鍵作用 ）
中華石，發現於華山仙峪景區
天就黑齊，一齊到五源峰投宿吧，學生證計畫又要再使出，不過由於山上係香港價，位位５０，飯都要廿幾三十蚊，半天價黎講！
行到邊食到邊，真嘆！
有一種冷吃叫?皮，好似涼粉但係白色，?塊大大?糕界出一條條涼皮出黎，加入一?汁液，味道都唔錯！
華山由山腳開始沿途都見到好多?，不過佢地完全唔驚人。
有關華山景點可參考賊船，在此不作介紹。
華山賞日之地東峰頂當日變?信和，人頭湧湧，好不熱鬧，加上多雲，放棄行動！
即到西峰南峰，但由於同行?其中兩名北京朋友體力不繼，於是只剩其餘兩名北京人+蘇州姑娘繼續遊華山。 眼見鷂子翻身，下棋亭卻不能去，因為?兩個北京朋友等?都差不多一小時，唯有下次有機會再去吧，雖然有?可惜，但係我相信會再有機會去?！ 即時改道出發決戰長空棧道！！
長空棧道，相無其他賊人多，但好過無！
大會指定動作！！
不得不提當地?挑山工，山上所有?食物，水泥，一磚一瓦都係由佢地運上去。 普通人上雲梯都要手腳並用，但佢地單手單腳再加上膊上?重物，高手就係呢?！ 所以每經過一個挑山工，我都會同佢地講聲加油打氣。
全個華山最驚就係索道呢個環節，每經過一個鐵塔時都要以近乎垂直落?速度落山，全程我不停?度：呀~~嗚~~攪到同車?北京朋友都俾我影響到有少少驚……落到山腳要為一眾賊人買紀念品 （ 因為上次無買喎＝＿\＝），如果唔係買得多，相信講價技真係好難成功。
最驚險?索道，極鈄，極驚，極快落到底，唔坐就行到菠蘿蓋地獄。
同行?北京朋友＋蘇州姑娘。
返西安與一眾新識?朋友道別，再搵食去。 蘇州姑娘介紹返一個大草原，咁?又?蘭州，決定一齊去，不過佢要先到另一個地方，到時再聯絡。
西安近鐘樓鼓樓附近有一條叫做回民街?地方，傳說係好多好?食，但我去到都已經8點幾9點 （ ?度黎講算夜了 ） 搵唔到有咩好食，大家下次有機會去可以試下搵下！
可以見到華山好多地方都係好鈄，好多時都要手腳並用，同行?北京朋友要請挑山工fire佢地！
Day 5 (20.07.2005) 西安子彈
話說一眾人於西安之旅認識?子彈，我亦嘗試搵?佢，因為 hard-disk壞了，想佢帶我去整電腦?地方。
呢度就係我住?地方，一人獨霸，都幾唔錯架！60 蚊人仔一晚，係我住得最貴?一間。
有一樣?要提?大家，?西安寄明信片，一張 4.5 人仔，但呢個其實係空郵?價，其實?國內任何地方寄postcarｄ返香港都只需 1.5 人仔 ( 火車運送 )，資料由蘭州郵政局提供，我亦都俾西安郵局坤了一hit，俾? 4.5 一張，但返到黎發現郵局只係choc? 1.5 －＿－…
子彈同佢?朋友，都係極 nice的！
佢地請我食火鍋?鋪頭入面見到…咩意思呢？
感人會合子彈同佢?朋友後，佢地請?我食火鍋，自分感覺華麗炸裂之大滿足！西安之旅亦將近尾聲了，最後再掃?當地?街覓食，準備出發蘭州去！！
第二站 ─ 蘭州Day 1 (21.07.2005) 閑遊蘭州
由於買唔到臥鋪又補票不成功，展開身一次硬座之旅。同坐?係一位大學教師，對面?係兩個敦煌女仔，由於硬座去蘭州要大約九個鐘，車上無事最好同隔離吹吹水，?度介紹返如果大家係想旅行時識多?唔同?人就應該坐硬座，因為臥鋪就只有?同埋?。始終係第一次硬座咁耐仲要?埋，好多時都半醒，?得唔多好呢 ~~
蘭州本身景點唔算多，五泉山Ｄ水乾左（嘉鴻報料），打消一遊念頭，率性決定先閑遊一日，第二日先去草原。
是日只係遊覽?蘭州市，白塔山公園（門票 2.5 人仔）可選擇坐索道上山。去到蘭州唔知點解好累，做?真正阿叔所為 ---- 山頂上涼亭?覺，愜意非常！！蘭州雖然好曬（平均海拔 1600m），但無西安咁熱，?覺時又有清風送爽，結果??成個鐘 =_=…… 白塔山上見到其他地方?旅行團，佢地以為我係印度人囉，呃頂 ……＝＿\＝
再遊黃河第一大橋 --- 中山橋，呢度可以坐快艇或者羊皮艇（船底用吹脹?羊皮組成）結果梗係無玩啦，呢一日真係好? …
硬座隔離位?大學老師，佢將會去新疆，對面?敦煌女仔，一個讀法律，一個讀經濟，佢地都係去蘭州玩
靈之包子同米酒拌蛋，好勁酒味，可能因為咁食到個人成日都好? … 但幾好食。
白塔山公園內
白塔山個塔 ，留意右下角個亭就係我??成個鐘?地方，山頂可睇哂成個蘭州市同黃河第一橋。
黃河第一橋，據悉呢個地方係黃河第一個起橋?地方，所以叫做第一橋喇黎講。
羊皮艇，窮鬼免問。
Day 2 (22.07.2005) 坤水的壩
之前?晚被迫沖?個凍水涼（ 熱水爐無電 =_/= ），好彩無冷親。（蘭州夜晚係比較涼爽）一大清早起身出發到劉家峽水壩，今日我俾人誤以為係日本人 =__/= ！！唉 ~~ 兩個鐘?車程不停吸食二手煙， happy~~
食?兩個鐘煙之後終於到?水壩，呢度?人對個水壩係好有興趣，事實係同城門水塘無分別，但係呢度就要收入場費。原本諗住去炳靈寺，但係坐船要成 70 ，放棄行動，而蘇州妹妹就入?去行個壩睇?，結果佢都呻笨，因為再入入面又要再收錢，睇黎要介紹返城門水塘俾佢先得。
下午坐車去臨夏準備入大草原，中途要過黃河，先可到臨夏市。，剩係搭車都用? 8 個鐘了，好好彩今晚去蘇州妹妹?同學屋企 yahoo~~ 呢度到?晚上 2045 個天都未黑齊，所以感覺係時間好夠用。
去到丹丹（蘇州姑娘）?同學屋企，受到 VIP ?款待，人生第一次食羊肉（手抓羊）有少少騷味，但加少少鹽會好些少，感覺麻麻地，可能因為我係一個和尚 ……
晚上到澡堂沖個涼，澡堂老闆同我講我係第一個香港人?到臨夏，勁 ~
溫馨提示 :
去到國內真係要日日都要幫個鼻出恭，因為太大塵了。
要有患肺癌?準備，周圍都係二手煙。
我?蘭州?住所，一晚２０。
劉家峽水壩，過?閘就要錢 = 要你行城門水塘俾錢＝＿\＝
過河就要靠佢了。
無睇錯，呢條係黃河，因為係上游，所以仲清到攬 ~~ 雀尾 ~~~
丹丹同學屋企受到貴賓?招呼
蓋碗茶，好好飲！！
Day 3 (23.07.2005) 三千米
早上閑逛一下臨夏市，保安腰刀一枚入手。道別孔茜一家後正式向桑科草原出發！長途巴由臨夏到夏河大約四小時，收費 13 蚊，抵玩啦坐足幾粒鐘 ~ 落車時有一貌似李兆基男子搭訕，話去拉卜楞寺包一晚食宿 30 蚊，殺 ~~ 但係車費 80 來回 =__= ，算啦，為?草原做一次闊佬。
1645 ，終於到達人生?第一次海拔 3000m ，唔該哂樊樂隻表先可以知道當時?高度，身處高原，感覺仍然良好，未有特別唔舒服。三千米的確令人振奮！！
今晚住?地方係一位藏民?屋企，佢地唔識講漢語，得一個人識講，所以好多時我地都以身體語言溝通。
呢次旅程本身都諗住新疆落西藏，必經?係世界海拔最高?路 --- 新藏公路，同一位司機傾開，佢臉色凝重起?，據佢講呢條路路況差，旅程非一般辛苦同無?玩，所以強烈建議我唔好去，咁真係要諗諗了，不過就係咁先更加想去一次！
呢?睇落好好食?係一?當地?干糧，可以擺好多日，叫做糖酥餅（鍋饋），一蚊人仔一舊，唔係太甜，少少硬幾好食。
釀皮 --- 味道似腸粉?冷吃
河延面片，4. 5人仔，又一次食羊肉
蘭州回民比較多，市內不難發現清真寺。
出發喇 ~~ 無睇錯，成個山頭都係羊，仲有會見到毛牛。
藏族快餐 — 糌粑，味道似朱古力，甜食。藏媽媽將粉，糖用手抓埋一堆，再加少少水就食得了。配以奶茶，酸奶，咁就一餐了。
入黑後會見到好多星星，氣溫應該唔會高得去邊，凍到口同鼻都噴到煙！，晚上會有一個節目 --- 高火。一大班人圍住個火展開男女大對唱，唱?係時代曲，之後仲有人跳舞，令氣氛推上頂點，火爐燒緊一隻羊，攪掂後俾錢就食得。
搭返車返住處，路顛簸不平，要用力捉住架車，可能係高原?關係，好快就手軟無力，?到攬 ~~ 雀尾 ~~~~ ?！！???竟然俾月光照醒，好顛。
Day 4 (24.07.2005) ?蘭州入面，都有佛寺~~
草原唔少得?就梗係騎馬啦，不過要成 30 蚊一個鐘，放棄！！丹丹就科水騎馬去。三千米?陽光實在太猛烈但又唔會太熱，皮膚壞死?７成，終於要風褸 + 帽先掂。
大草原真係好讚，令人感覺好平靜！
住?旁邊就係大草原，另一邊就係養羊的。
三千多米?大草原同毛牛。
熱情?藏媽一家
搭訕男子李兆基 =__/=
呢度係??地方，同埋出入?車輛。
道吉仁青先生好好人，開慢少少俾我地影相，真好。
離開熱情?藏媽媽屋企去拉卜楞寺，上?一個俾喇嘛曬佛?地方，行樓梯好似好簡單，但係三千米就變?美玲 ……
再見了藏族媽媽
曬佛的地方
拉卜楞寺於清朝建成，門票 40 ，我都係唔入了，改遊外圍喇嘛住?地方，丹丹又再駛出有錢人玩法。不停亂行，行到一個好多轉經筒?地方，轉?好耐，都仲未行到盡頭（ 我已經唔係由起點開始，起點都係遠到搵唔到 ），轉到雙手要切除都轉唔哂?筒，算啦，走！麈歸塵，土歸土 ~~
行行?見到有道門開住喎，入去係通往一個博物館，竟然見返丹丹 ~~ 唔駛錢就入到！贏? ~~
之後跟隊由一喇嘛帶領到其他廟參觀，可惜有?係要門票先入到，不過兜路由另一個門口入，又逃票成功了！
藏傳佛教?建築物，廟會靚??，喇嘛住?就會簡單少少
功夫足球？？
一眾喇嘛要除?鞋先可以入廟內誦經，所以會一地都係鞋，但係佢地點分得返邊對係自己?呢？佢地入到廟會盤膝而坐，廟內好暗，但仍有燭光 fire 你?。
夏河有個地方係賣蘋果批，但可惜個廚師因有事返?美國，食唔到了，希望下次有機會食啦！！
度要介紹返?國內任何地方寄 postcard 返香港只需 1.5人仔，西安竟然收我一張 4.5…頂！ 4.5係空郵，最可惡?係俾我知道西安? postcard 佢地只 choc 了 1.5＝＿＝
再坐大約六小時車返蘭州，六小時同一個動作??，起身時人都爛，同成身都係塵 …… 。晚上同丹丹合作技兩蚊西瓜，甜！！
火車票入手準備聽晚出發到嘉裕關 ~
Day 5 (25.07.2005) 安息日
第二朝竟然係俾人拍門叫退房先起到身，太?到唔掂。午餐去，今次食西餐，豪一次 ！其實都係好平， 16 蚊食到嘔。
突然聽到邁克學搖滾?新歌 ---Take me to your heart～即係吻別?英文版，呢隻歌同老鼠愛大米有得 fight ，成日都會聽到，好 hit 架！！
寄埋明信片就送丹丹上火車，佢要返北京讀書，不過會先返蘇州老家。臨走時我到超市買?飲時，店員誤以為我係韓國人，?火車站候車室，真正?韓國人就以為我似日本人…乜我似咩？我覺得我似賊多? ~
感人合照最終回，再見蘭州
總括?講，蘭州人都幾 nice ，如果唔食煙會更好！不過?蘭州?日子個人總係好?。
下一站，嘉裕關，出發！～
第三站 ─ 嘉裕關Day 1 (26.07.2005) 一日 K.O.
蘭州到嘉裕關大約要坐 10 小時火車，最適宜就係買夜車。到達嘉裕關已經係早上八點，一步出火車站就有一大班的士司機搭訕，我想自己搵搵路，但睇落呢度比蘭州仲要細，距離火車站附近竟然無乜商店，睇黎都真係要包車了，呢度公車都唔多架！包車一日睇 3 個景點 $100 ，好！成交！！( 嘉鴻包一日都最少成 $150，加上我唔係所有景點都有興趣 )。個司機都幾好人，教左好多 tips ，例如敦煌有咩玩咁呀，玩幾多日，哈密可入草原，敦煌住邊度好…好似玩 RPG Game 咁，成日都要收取情報。司機大哥介紹左一個地方叫我一定要去，?度係新疆?巴里坤，呢個資訊好緊要，因為巴里坤的確係一個好地方！！
第一個去?景點係懸壁長城，行左 2 個鐘左右，門票 $11 。?入面遇到 4 個香港人，諗住撩佢地一齊包車去冰川，可惜佢地已經去左，不過又因落雨上唔到去。包車大約要 $350 。
嘉裕關火車站，呢度唔似其他站咁，火車站附近都幾荒蕪
我今次?御用司機
人工整?「新長城」同人工炮台，係整個懸壁長城?起點
一陣就開始真正?懸壁長城了。
呢個警告都唔係呃你。因為真係好鈄架黎講…
長城外面係一片廣闊?戈壁灘，介紹返，戈壁唔等於沙漠。戈壁係連沙都無的， 間中會有 d草 。
每到一個關仔，就要上樓梯先可以繼續去。上到黎係好值得紀念架，不少英雄豪傑都留名於此 =__= ，公德心稱帝啦黎講 ~
行完落返黎會見到一大堆雕塑，係一班行過絲綢之路?古代偉人。
長城?兩邊，氣勢十足
黎到嘉裕關當然要去嘉裕關關城啦！入到去會見到好大好高?城牆，企?城牆上合埋眼，可以感受到當時行軍守城?感覺，亦都感受到中國文化?偉大！關城入面有一個博物館，俾左 $30 門票梗係要入去睇睇啦，入面會介紹返唔同朝代?關城係點?，值得一睇架黎講。
大家可以從張相知道關城究竟有幾高了，關城都有一個小故事「擊石燕鳴」，影埋俾大家自己睇。
行上呢條樓梯 ( 一半係斜坡，應該係俾 d 車上去? ) 就可上到城牆，上到去可以玩射稻草人，當然又要科水先俾射。
關城外面又係一望無際?戈壁灘，離城門不遠處可以騎馬同駱駝，其實關城感覺都幾滄涼…
博物館內又有和仔專區， && 中國古代十八般武器 &&
呢舊野就係 “ 第一墩 ” 了，點睇都聯繫唔到佢同城台有咩關係
出車去最後一個景點 ----「第一墩」( 明代長城第一座城台，就咁普通一舊野咁 ) ，順手睇埋大峽谷，幾正，可以玩飛索但放棄左，費時煩！飛到去又睇埋 d 人工景物，又要行到老遠死返返黎，唔睇都無損失。就係咁就完成左嘉裕關景點一日遊了。
飛越大峽谷，去睇? d 人工建築，話時話飛過去 freefall 都應該開心死 ~~yahoo ！！
我腳下係可視式地台，可一野見底，有 d 坳，都唔知信唔信得過，步步為營…
第一墩周圍又係戈壁灘，乜都無。司機哥哥?戈壁灘上隨風擺柳，佢話每年去親一個戈壁灘都要擺一擺留個紀念，豪氣！！
第一墩周圍?戈壁灘
返返出城市，走在嘉裕關街頭，會有好多有趣?發現。晚上有人?街頭放電影，真係好鬼正！螢幕係只用一塊布，有免費娛樂，又有格調，我鄉下都有，份外親切 ~唔錯！！嫌 d 樹唔夠綠？路邊?樹仲會被打上綠色?燈！
我住?地方都幾大，仲要一人獨霸四張床，多得司機大哥介紹返！多謝你 ~~
又要出發到下一站 ---- 敦煌，火車途中會見到風力發電，不過好遠…
總括黎講嘉裕關景點太偏僻，一定要包車，所以一個人絕對唔划算！！同埋公車都唔多，呢度真係要做大豪客！！
出發到下一站敦煌，坐左第一次最舊式?硬座，感覺好差！先由上車講記，國內?人唔肯排隊就預左，但爭上火車?地步真係太可惡，完全插隊行動，推人呀，撞人咩都用齊，係練搶籃板爭身位?好時候！！車上 d 位俾人霸住哂都預左，但竟然有人?車廂內吐痰！！隨地掉垃圾呢 d 都已經變得習慣了，佢地會自己抹檯 ( 我覺得呢 d 都係出自佢地自私?表現，因為佢地要用張檯嘛 ~) 總括，搭火車可以見到好多唔同?人，呢一刻?都係比較自私，極討厭！！
第四站 ─ 敦煌Day 1 (27.07.2005) 初見柳園
話別嘉裕關後，坐五個小時左右火車就到左柳園火車站 . ，即係第四站 — 敦煌。如果要去敦煌，係需要?柳園火車站再坐車到敦煌市中心 ( 車費 $15) 。我上?係一架小巴，個司機個樣勁似少林足球入面拎住士巴拿?個人，激似架 ~~
我坐?佢旁邊，由於架車超載，我坐時屈唔到對腳 ~~ 勁?！！一架香港 16 座小巴載滿人 + 行李 ( ?車頂 ) 超負荷?情況， 33 人困?車廂再以時速平均 80 km / hr 速度穿過戈壁灘。呢程車係一條大直路，兩個鐘頭 keep 住都係咁，我已經?著好幾次，司機竟然頂得住 ? 果然見到個司機「中中?」， + ? + 為?條命著想，要同佢傾計 fire 佢！
得到嘉鴻?情報，入住敦煌飯店四人房中?一個床位，同陌生人 share 一間房！好快就展開睡眠大法了 zzzzzzz …
話就係敦煌站，事實地點係叫柳園，真?敦煌站會?呢幾年內落成。地達柳園火車站，見到超浮誇之耶穌光，華麗炸裂，一時驚愕！
今次我住?房，平靚正，印象中好似係十個大洋咋 ~
&Day 2 (28.07.2005) 敦煌一日遊
出名睡眠之王者?我竟然可以早起身 ~~ 其實係因為要趕車去莫高窟，來回 $20 ，不過如果多?人應該可以再講價，又要經過半個鐘?戈壁先到達。
簡單黎講莫高窟係一間間?岩洞入面?房，每一間房都有石窟睇，但睇邊間就要睇你運氣喇！
溫馨提示 : 入莫高窟前要放低個袋?衣物間 ( 莫高窟唔俾帶野入去架！！ ) ，入去最好跟一?團一齊入窟，會有人解畫，同埋最重要?係佢講完會出返個窟同埋鎖返門。雖然小弟對中國文化唔係話有好濃厚興趣，但都覺得呢個窟係值得一入?！不過請大家記住，入面係唔俾影相架！！話?鎂光燈會破壞?壁畫，導遊們都係拎住小電筒同埋靠門外透入黎?光先可以介紹返 …… 好可惜影唔到相俾大家睇了 ……
往莫高窟途中，又係一望無際?戈壁。
窟外會見到一個個細小?塔，呢度外國人收到好貴架，學生有打折，記住帶學生證呀！
有一個同建築物高度一樣?佛像?入面，令人讚嘆不已！大家見到個木欄嘛 ? ?欄入面係唔俾影相，自拍都唔俾，出?個欄就點影都得，吹脹 ~~
出返市中心祭五臟腑，從嘉鴻情報到風味餐館食野探聽鳴沙山逃票方法，風味餐館有兩間，認住間?英文叫做 Shirley's caf? 。見到見到嘉鴻?留言，好開心呀！亦得到逃票方法。不過唔可以即刻出發，因為太曬喇，再去埋沙漠公園應該會攬雀尾 ~~~
中場休息，行?街 ~~ 又係一個無乜人?城市 …
正門右路傳說係可以逃票，外國人手上?指南都提示?逃票路線，途中會經過一個小村莊，後面?沙係咪好假呢 ?
右路?盡頭，會見到有圍欄防止?人逃票，預?逃票就要有足夠準備，帶多?水，太熱太曬喇……
再試右路，都可以入到去?，但工作人員極多，又有好多吉普車，好難唔俾人發現。呢條路會經過駱駝牧場，四處都係駱駝同屎?味道！
介紹返，右路會見到真．曬駱駝 ~~
逃票不成唯有憑票入場，票價 $40 ( 學生票 ) 門口會有旅遊車送你到月牙泉附近，來回 $10 ！離譜?少少喎 ( 距離應該一百米多? ) ！！自己行入去吧，又唔遠。開頭要通過沙地，行一步都幾吃力，因踩一步，成個人會沉落去，再提腳就要用力！！如果見到汽車輾過?路，儘管行上去，因為土地都被汽車輾實。
行一步，沉一步，愈行愈撻 ~~ 都係行返?俾車輾實?路啦，舒服好多！
圖中大家眼力好少少會見到好似有條梯咁?，我無行梯上山，不過後來聽人講係要俾錢先可以行 =__=||
月牙泉都真係好細?！聽講仲會愈來愈細，幾年後唔知仲會唔會干埋，要去睇好快?睇喇 …… 無咩好做，決定爬上鳴沙山睇日落！爬上去幾十步已經好辛苦，上 45 度?斜坡本身唔係一件難事，但加埋行一步退一步?情況，行上去頓時變得好吃力！！?時速 1cm ?情況下，大休行動不斷！行一步捱十步 ~~ 真係好那辛苦呀！我不行了 ~~
終於行多 30 幾步就上到頂了！看倌可能會以為 30 幾步屬小兒科，但呢 30 幾步足以令你筋疲力盡！！
「啊 ~~~~~~ 」每一個上到頂?人，都有種說不出?興奮！！即刻要配合一下怒吼 ~~ 呢種就係辛苦過後?成功感吧！ ? 爬上黎?人都會用身體剩餘 o 既力量發出勝利 o 既嚎叫！！
自己睇?有幾斜啦，平時可以話 : 對於上山我一路都無擔心過。
一路行，竟然變左側田 + 美玲混合體，撻到不再撻，嗚 ~~~ 好辛苦呀，我不行了 ~~
睇完日落，走 ~~ 塵歸塵，土歸土 ~~ 門口被怪光線籠罩住。唔少得同一齊逃票?外國母子黎個感人合照！
風味餐館搵返嘉鴻筆跡，個老闆都幾 nice 架，送?張 postcard 俾我。問佢點逃票，佢會答你架 ( 雖然到最後都係唔成功。)
食個靚早，出發新疆！
放棄?玉門關，因為距離太遠，又要一個人包車，睇?相信又係戈壁加關城。玩完一日個人都好?，又曬死哂?皮膚，早早?覺，第二朝早起趕車去新疆?第一站 ------ 哈密。
總括 : 鳴沙山有強烈 o 既駱駝屎同尿味陪伴住你 ~~ 敦煌縣城比較細，人唔太多，市內無咩好行，不過網吧就幾集中。
第五站 ─ 巴里坤Day 1 (29.07.05) ─探訪草原
早上 7點就check out了，食個靚早再出發，豆漿＋生煎包$2就攪掂了。去哈密?車話就話有空調，點知開車半粒鐘先有，仲要係風扇mode…熱死…焗死＋曬死 (太陽永遠會從我坐?邊曬到正一正) 訓覺都熱到出汗！國內人話空調開放，開得?少少，不如唔好開吧，寧願你開窗好過了！
車上認識左坐?我旁邊 o既蘭州女士，佢同佢個女一齊去旅行(佢地係蘭州人，不過住?深圳，個女仔識講廣東話，佢叫原媛，84年出生， ?北京讀書 ( 讀英文，今次被迫與媽同行！ )。目的地都係巴里坤，被邀同行，好吧！！大約七個小時左右終於到達新疆第一站--哈密。
往哈密 o 既路上，又係一大片戈壁，乜都無！
車上同蘭州女士傾下旅行經，佢見到我本書，就提出去巴里坤。我記得之前嘉峪關的士大哥介紹返一定要去巴里坤，反正都要去，就一齊啦！！！ ?哈密花 $20就可坐車到巴里坤了，車程2個半鐘，最高o既地方會達到海拔2千幾米。到左巴里坤了後，好快就向草原出發喇~~
因一人床位都要 $50，一頂蒙古包就$100，講價$90成交，每人$30，合作技05取得成功！！
呢幾日?車上聽到 o既歌都係刀郎o既多，但西安?邊就老鼠愛大米多d，西北果然係配合一d比較豪情o既歌。
到達巴里坤，離車站不遠處，已經見到草原了，行入去都幾遠，最後同兩母女一齊坐車。
草原俾人感覺好平靜，成個人都會放鬆起黎，聽到呢度騎馬都只係 $5騎一圈，即試啦~~仲等呀？先上一隻被譽為老實o既馬(啡色的)，但佢點都唔肯走，當一個牽馬o既叔叔大力鞭佢時，我覺得馬仔應該好痛吧！? 佢叫我鞭隻馬，我真係做唔出…
換左另一匹馬，呢隻黑 dd，真係好乖，我上去一陣就好快操控到，都算易o既，但佢不停想食草，我都由佢食罷了。(控制馬匹方法: 想佢行，就用腳踢佢個肚。想佢向左邊走: 將疆繩拉向左邊，反之亦然。唔俾佢食草: 將繩向後拉，令馬頭唔可以向地就ok了) 行下行下，相信都行左好耐喇！呢度好爽，可以任你一個人騎馬，佢地都好放心，可能d馬乖吧！最後由另一位牽馬叔叔帶住，佢一野就鞭落我隻馬，我隻馬就起勢咁跑~~ 跑馬感覺真係好好，但可以嘗試唔好坐定，以屁股凌空，身體向前後擺動，儘量配合馬匹，感覺會良上好佳，跑起上黎都幾爽！！有機會要再騎呀 ~~
呢個就係我住 o 既地方了，入面好暖架，唔錯！成班人住最爽 ~
原媛同佢媽媽，當然唔少得一個感人合照啦！
騎馬的確係一個唔錯 o 既活動，如果跑?時，用玩跑馬機 o 既動作，的確係會配合度隻馬架！！
呢度 9 點先日落，配合完美 o 既天色，仲唔狂影 ? 影完日落之後，係時間休息了，聽日再戰，應該返哈密吧！ ?
呢度真係靚到有 d 唔真實 o 既感覺，對住呢 d 景，真係無言…
夕陽無限好 ~~~~wowowooh !!
Day 2 (30.07.05)--- 信是有緣
尋晚好快就呼呼大睡，都累吧！ ? 坐左成日車，特別累！食完早餐之後同原媛兩母女道別後，到交通賓館，四人間無涼沖 $10 ，但我要擺堆加沖涼，決定 $30 換來好房一間！！下午節目係巴里坤街頭一日遊，巴里坤真係一個小鎮，好快就行哂。仲去埋當地一個旅遊景點，得勝門 ---- 一個重修 o既城門。
早餐 o既奶茶，咸的＝＿\＝
城門 o既另一端，竟然係一片草原……不過呢度無咩人黎，感覺幾平靜！Hea 左一輪，搵下明信片，但花左三個鐘都只係搵到兩張，仲要係一間曬相鋪老闆娘讓俾我，呢度?新疆黎講都算係一個冷門地！寄完都累到顛左…返賓館抖抖先！抖一陣後決定出發到巴里坤湖！！去巴里坤湖要去另一個車站搭車，因為都幾遠下，所以都要問一個路先掂。?車上，俾其他人睇當地地圖順手駛出問路技，點知佢地好投入咁睇個圖，個 feel 係佢地未睇過本市地圖咁，唯有唔理了…
得勝門後面竟然係一個空空如也 o 既草原…仲發現乳牛一隻！！
巴里坤可以講係一個小地方，人都唔多個。條街都幾乾淨 .
我住 o 既地方，今次擺堆係可以坐架！！讚 ~~
車上有 7 個人 ( 唔計司機 ) ，我旁邊坐左一對父子，車上都應該係一家人吧 ~ 但大家都語言不通！！忽然間坐最前面 o 既人寫左一句野俾我 : “ 我帶你到巴里坤湖 .” 好呀！求之不得啦！我以為佢係車上一家人 o 既一份子，點知原來唔係 ~~ 我跟左佢落車，佢先帶我去佢屋企坐下，請我食哈密瓜。佢有一個哥哥係?庫爾勒做老師，有一個讀一年班 o 既妹妹，食完哈密瓜之後 ( 好甜，解渴！ ) 再邀請我食晚飯，食麵片，涼瓜。麵片好好食，我連湯都飲埋，好食，比賓館內都要好食！！
餐後，由佢騎電單車帶我去巴里坤湖，我坐?佢背後，?路上傾談起黎，原來佢今年只得 21 歲左右，係 84 年出生 ( 又係 84 年！！我同 84 年 o 既人特別有緣！！ ) o 岩 o 岩高中 4 年畢業，準備升大學。佢叫做朱秀娟，原來我比佢哥哥仲要大一年！！佢介紹一 d 植物俾我識，例如芨芨，刺，仲有食左一種野果，好似提子咁，但好細粒！！食完仲要吐核架！
佢妹妹好鍾意景相，不過係叫人影佢囉…
有摩托，出湖真係方便好多，好快就見到個湖喇，就係前面咋 ~~
途中發現一 d 植物，味道都似提子咁，仲有見到好似棉花狀 o 既花！！不過數量就唔多。
由於當地人對資源保護唔太重視，巴里坤湖水退左好多，我地落車踩住 o 既，以前就曾經係湖 o 既一部分。但宜家干左了，踩上去都仍有濕同爛 o既感覺，有ｄ位仲會將個人沉落去添！！攪到去唔到太遠，唯有返草地吧！?草原入面，要搵返架電單車都唔容易 ~~ 搵到後仲試左 hit 無牌駕駛，爽 ~~
呢度再次出現 postcard 一樣 o 既景，好假呀頂！！！
去到干左 o 既湖底，發現野豬競 o 既腳印！！！
大家見到係咪好似好曬咁呢 ? 其實已經係晚上七點幾架喇，曬到 ~~ 攬 ~ 雀尾 ~~~~ ！
無佢 fire 我都去唔到個湖了，多謝妳 ~~~
中途佢停左落黎，佢記得我話要?草地上訓下，太好了。我地席地而坐，有 d 拮，但感覺好好！加埋夕陽，簡直完美！！
今日真係好奇妙，原來係佢最後一日?鴻源賓館餐廳做服務員 ( 餐廳只有兩人做野！！ ) 就係咁，我地遇上了，真係太巧合！！
回程車上，我地以字筆交談，佢話：「自找麻煩，欄路搶劫。」但我話：「好人難做，信是有緣！」同意嘛？
Day 3 (31.07.05) ---- 閑遊巴里坤
同大家介紹一下，?內地好流行一個 term ，係「吧」，打電話 o 既叫「話吧」，食火鍋叫「火吧」。仲有一個 term 都會常見，就係「超市」，成街都係超市，打電話 o既會叫「公話超市」，總之咩都超市啦！！
巴里坤俾人一種好 relax o 既感覺，呢度人口唔多，人們都好似好優閒一樣，呢度的確係散心 o既好地方。人都好 nice ，純樸，一定要黎呀！
今日出發到尖山子去！！見到一座已經廢棄左 o既清真建築同當地小朋友，飲瘧一口冰涼 o既泉水，涼 ~~ 尖山子係佢屋企附近 o既一座小山，上面可以望到佢條村 o既全景同埋巴里坤湖架！
呢個就係我 o 既早餐，都幾飽，有ｄ似意粉 feel ，隔離個兜係用黎飲茶 o既。
今日要上 o既尖山子 ~~
上到去可以俯瞰花庄子村同埋巴里坤湖，中途會見到一堆好似駱駝 o既石，個頭幾似架！！
今日 o既節目就係咁多，因為去佢屋企?邊都幾花時間架！！夜晚?步行街有表演節目，咁 o岩呢幾日有得睇，唔錯！深宵獨自?街頭，有ｄ涼，但感覺極好。收到朱秀娟o既來電，聽日十點打黎又出去玩。
Day 4 (01.08.05)---- 別了．巴里坤
今日節目本由朱秀娟帶我去軍營參觀，但軍人都唔俾入。娟就用盡方法希望我可以睇八一建軍步操！雖然最後都睇唔到，但好都多謝佢有呢份心意呢 ~ 之後去佢中學參觀，去見識宿舍係點，佢話巴里坤係新疆最貧窮o既地方，學校都好破爛，但眼見都唔夠貴州o既學校爛呢~~
本身住?間房住左人，所以轉左房，頹ｄ。?巴里坤會見到好多特色 o既建築物，但只係一個好普通 o既鋪頭黎。
步行道又見娟的朋友，佢考上左警校，國內做警察只有 1000左右工資，而且好辛苦！！我送左ｄ香港硬幣俾佢地，佢都教左我巴里坤o既語言，哈哈，好難！！之後再到娟朋友工作o既網吧飲野，唱ｋ！無錯，係唱ｋ！包廂唱ｋ呀~~最後娟送了我一首”祝你平安”，多謝妳~~ 真．感動。今日佢送左一條類似佛珠o既野保我平安，我都希望一路平安吧~~！
娟 o既中學同學，?一間餐廳做野，俾老細蝦，工時超長人工又少，講起佢地都忍唔住喊左出黎，呢幾日黎我多數都會?度食飯架！
呢個就係做警察?個朋友，我地宜家包房唱緊ｋ，勁！！後面幅晝仲勁~~
呢個係佢一個屋企人開網吧 o既朋友，個樣好似陳慧珊。呢度買部電腦要6-7千左右，好貴！！聽到都一時驚愕~~
早餐餃子，食完去軍營，不過行動失敗左，今日竟然去左唱ｋ~~ 車站旁邊空空如也，其實隔離有人打緊卓球，新疆人睇黎都幾鍾意呢項活動.
想學哈薩克語就 click啦！
好喇，係時候要離開呢個地方了， 真係好唔捨得…但係，旅程點都要繼續 o既…
車站會有老婆婆兜售酸奶， $1.5，食到嘔咁滯，好兩多…..佢送左串珠俾我，我都織左條手繩俾佢留念！從此，我旅途上帶住左三個朋友喇！
夕陽護送下，我終於都要告別巴里坤了 … 好快就返到哈密，即刻 食左個灌湯包 ($5) 好食！！但一個人食有 d 吃力！！ 一個人食哂咁多包都真係…
Day5 (02.08.05) 閒遊哈密
我住?間招待所要日間先沖到涼，因為係用太陽能熱水器，夜晚沖就會好凍…起身沖完涼竟然 hea 到去睇電視！！ 國內電視台都播好多港台劇，金庸劇係激多，有 ”天龍八部” “射鵰英雄傳” “笑傲江湖”任賢齊版本。哈密好似真係無咩好玩，可能只係行下街…
果然，行街行街同行街，行到一間郵局，但無明信片 ~~可惡，搵死，曬死…好彩?第二間就搵到了，曬爛左個人囉…
哈密好熱，又曬，大家都見到吧~~要四點幾先出街先掂，行下行下又行左去火車站，沿途我會做一ｄ記錄，記低邊條街會賣ｄ咩咁，好無聊！
行下行下又唔知去左邊，去左ｄ小巷行下，同隔離街完全唔同格調。行到個天都入黑，好彩得好心市民提醒公車９點就收工，都係快ｄ返去休息啦！中途經過一個廣場，又有表演睇喎，真係好熱鬧~~~返到房電視竟然播緊頭文字Ｄ~~~即時怒睇！！
行下ｄ橫街窄巷，竟然係一ｄ好舊o既住宅區，衛生情況麻麻，附近有一個大公園，不過仲起緊ｄ野。行返市中心，會見到凱旋門＝＿\＝，仲有怪光線~~晚飯個麻婆豆腐飯真係辣到七劍下天山…食到成身汗@＿@
有一個念頭…「返巴里坤草原多一次」，好，聽日出發~~！！
Day 6 ( 03.08.05 ) 重回巴里坤
決定返巴里坤，買票搭車！車上極多人，旁邊有 BB仔，將相機袋代枕頭俾佢訓，佢真幸福~~~或者好o既野真係唔好再拖落去，今日去巴里坤途中?度諗，會唔會有咩意外導致唔可以再見呢? 點知真係有交通意外！！前面有兩架大型運輸車翻側左，d野一地都係，車停左一陣，d人落哂車湊熱鬧，咁就花左一段時間了~~
哈密住 o既地方，衛生唔多好，發現用過o既保險套＝＿＝！食飽飽就出發！！
再次走入巴里坤，心情都幾興奮的！呢，就係呢個小朋友喇，望咩呀望！？
去到仲要轉車先入到佢條村度，點知今次個司機唔入村，將我放?第一組，要徒步行返第五組了。中途出左草地，有羊呀、驢，影相後返正路…走呀走…走呀走，原來已經走到第七組！返轉頭 ~~~
終於到左巴里坤了，之後再轉車去花庄子村。
司機唔知?邊度放低左我，中途落草原行下，見到好多好野！！大家無睇錯， d一粒粒o既係雀仔黎，好顛！仲有驢同埋羊仔，零距離接觸.
呢度就係佢地平時煮飯 o既地方，可惜時間有限，食完飯就走了。?佢煮緊飯其間，玩下佢屋企o既珍藏先~~
時間都唔早了，攪到去到又要趕尾班車，食左個佢煮 o既晚飯就要走了。行返出大路等 左 9個字車，一係full哂唔上人，一係尾班車無人唔肯載一個人，可惡！睇黎要順風車計劃了，但車不斷飛走， 欄路都阻唔住，終於有一架吉普車肯停！太好了，正式同朱秀娟道別之後，車就往縣城出發。如果行返去，應該要 3 個鐘吧 ~~ 行左半日，累到即刻返去休息了…
第六站 ─ 哈密Day 1 (04.08.05) 屍路遊戲
兩個半鐘頭o既車程，將我由巴里坤帶到哈密，其時雖然已經係七點幾，但太陽伯伯仍然高掛天空，熱氣襲人~~ Settle down後趁仲有陽光，出街！！
今次要去o既係哈密王陵，之前覺得哈密無乜特別野玩，自從o係巴理坤睇左乾屍之後，覺得睇下文物都唔錯o既。買左一塊成塊面咁大o既餅，$1，出色！！一路行一路食，途中得街頭食店老闆主動招待，坐低飲杯茶傾計，佢話佢好鍾意睇香港電影！！呢一刻覺得香港都幾威，掂呀~~
賣相好好o既薄餅，o岩o岩出爐，好脆，掂呀！睇下佢點整啦~~
o係條街無啦啦都會見到，騾仔同羊仔，不過係俾人綁住左
到哈密王陵，門票$10，入面無乜人，結果一人獨享講解，爽死。哈密王陵現場俾人感覺有d荒涼+寧靜，七點幾去的確明智！！唔講太多，睇相啦~~
話到明係墓，當然有棺材睇啦！！留意d建築物牆身o既圖案，係人手一磚一瓦畫上去架，掂呀~~
簡單ｄ介紹返，呢個好有特色架，左邊個頂係漢人式建築，右面係滿州人o既建築，門口又有d棺材睇。
王陵入面有一個清真寺，平時係唔俾影相架，今次導遊姐姐破一個例俾我影，多謝妳~~~
呢個係入面o既博物館，入面可以租d民族服坐上皇座影相過一下皇帝癮。
睇下個地圖，show哂當地o既景點，巴里坤就係同哈密咁近架喇~~
打道回府，10路車，見咁得閑，去新華書店睇書順手搵下鄯善o既資料，可惜無乜講呢個地方，有o既都只係介紹呢個地方要由火車站再轉車先去到市中，都幾唔方便…
今日得知阿釗已經到左西安，佢會坐1043次火車，即係話我要凌晨4點幾上火車先上到佢?班車~~~
當地特色建築物周街都係架，睇到麻木哂……晚餐小雞湯錕鈍 $2.5，十幾粒，抵！！食飽飽上網去~~~
&Day 2 (05.08.05) 再出發
午飯後同新絲路網吧各人道別 + 合照行動 ( 呢幾日我都 o係度上網，因為間網吧距離我住處五十步左右，極近 ~~) 要告別哈密了…
呢兩個網管，左面?個不停撩我講野，以為我係日本人…
到火車站，發現無哂車票，最快要夜晚 11 點幾 ( 到鄯善係凌晨 3 點幾！！) 死喇，點算？幸得一名前幾日 o係火車站認識 o既票務員幫手買站台票 ($1) ，我送佢港幣 $1 同 $0.1 以作留念，多謝妳呀！再黎合照行動。火車站人員都好好呀！佢帶我去音樂廳等車，但唔收我 $ ，太好！！
上車補票後好容易就搵到位坐了，同坐 o既係兩位由蘇州到庫爾勒工作 o既人，一個貌似發福版陳國邦，一個少似羅大佑，各位睇下似唔似？
今次火車之旅感受都幾唔錯，感覺無咁壓迫，可能人無上次咁多吧！
介紹返，哈密市唔算大，天氣熱，夜晚涼，海拔 900 米左右 . 市內商店多以「陽光 」 「陽光 」 為名，每一個地方都會對商店名有一定相關。如巴里坤會有「 超人網吧」 「 超人文體 」( 書店 ) ，敦煌會有「飛天商場 」，都幾得意， o係度報導係咁多，交返俾隨心看遊記 ~~
第七站 ─ 鄯善Day 1 (05.08.05) 信是有緣 2
火車由哈密到鄯善需時 3 個多小時，到達鄯善站即被的士司機兜搭 $10，好，上車吧 !( 因鄯善縣城竟然無公車連接到火車站，呃頂 ~~~) 等左好耐，司機不停兜客，到車滿先可以出發，都 ok 遠 ! 而且縣城感覺無咩人又荒蕪，叫司機介紹返平旅店一住，佢話有一間 $5 可以攪掂，Check it out~~
人跡罕至o既火車站，離市中心好遠，屈住要打的架!
上到去間旅店，點知個老闆點都唔信我係中國人，一直以為我係日本人，太屌 ~~ 而且新疆o既招待所，賓館都唔可以收外國人同港澳居民，咩原因？要迫佢地住大酒店？到客運站打電話去，回電朱秀娟，電話入面不停講鄯善o既唔好，我講幾耐，個店員就聽我話呢度唔好幾耐。起行去市中心吧，o係打電話o既雜貨店詢問情報後，出發吧 ! 多謝有心o既店員，原來路途都幾遙遠 …… 喪屁模式行走 ~~
中途o係公交車上見到剛才出手相助o既店員，哈，揮手道別後繼續上路。心裏一直o係度諗佢會唔會好好人咁落車指點迷津 ?
嘩 ~~ 果然，佢真係落車等我呢 ! 好開心呀，得救喇 !! 佢話剛才聽到我話鄯善無一個好人，佢就想話我知，鄯善仲有好人，哈 ~~ 多謝妳 !!
先去新華搵地圖，但竟然係無？下 ! 咁都得？靚呀 ~~~ 郵局又咁o岩裝修，無明信片，太顛了。再搵地方 settle down 吧？但又遇到先前o既情況，香港人又係唔可以收，頂 ~~~ 好彩得佢同我拆掂，無佢，我應該會啟動?街模式了。$20 一床位，有冷氣，電視，正呀，仲有得沖涼，爽 !! 去左佢學校睇睇，嘩 ~~ 大操場，正，似日本 feelo既校園呢，再到高中部，好多人都著 Nike 、 Adidas 喎，少見。
當地o既學校，地方大到攬 ~~ 雀尾 ~~
再坐車到沙漠公園，今次走後門，即係逃票 …… 入口處見到一隻大鷹，以為係假架，但原來係堅架 ~~ 掂呀 !! 成功走後門逃票行動，本地人 $5，遊客 $20，天淵之別o既價，目的都係想保護個公園吧 ?! 上左小山丘睇睇，入面不停刮風，好靚，好平靜 ……再四周漫步下，好快就入黑 lu。正門大搖大走返出去，坐公車走人。呢度o既公車凳係用木做，幾好 feel!! 見同佢有d緣份，送條腳繩俾佢做報答啦 。
呢個就係o個位好心o既店員，但係，可惜o既係我地好少合照，呢張已經係最清楚了
沙漠公園入口，係一隻曬駱駝，幾得意。行去後門，竟然有一隻鷹把守住 !!
呢個沙漠公園我唔係行得好多，因為天都轉暗左，不宜行得太遠，順手睇埋日落。不得不提 : 逃票真爽 ~~
到夜市食晚飯，食豆豆麵同烤肉串 ( 羊肉 again) 但都算 ok，少蘇味，但可以接受呢 ~~( 盛為 $9) 出返去廣場 ( 內地比較流行到廣場坐 ) 呢個廣場據講比烏魯木齊o個個大好幾倍，我未去過烏市，但呢個場肯定比哈密大 !! 閒逛廣場傾計，感覺良好~
食飯其間先知佢叫咩名，佢叫白玉雪 ( 有一種典雅o既味道 !!) 今年先 18 歲，高中 2 年級了，本來係蘇州人，7 年前父母搬到鄯善發展，為人爽直，正 !!
烤羊串同埋豆豆麵，羊串 ok，唔太蘇，麵就一般啦 ~
時間都唔早，傾到廣場都熄哂燈，街燈都係 12 點熄，勁慳電 ~~ 再次坐毛驢車返去，司機每次叫「D~~」隻驢仔都會行得快 d，但佢好似好累咁，狀甚可憐 ~~ 回程o既司機仲不停打佢添 ! 好慘呀 ~~ 不過坐毛驢車o既感覺好好，好舒服，訓o係毯上都好好 feel。一摸驢仔o既頭，嘩，好熱呢 ~~ 好辛苦吧？辛苦你喇 ~~
返旅社，同房係一個比我大兩年，又係來自蘇州o既教師，o係哈密工作，黎鄯善招生 ~~ 不斷o既傾計，傾到兩點，傾到累 …… zzzzzz
P.S. 真係要多謝個的士司機，如果唔係佢將我放到o個間招待所，我就唔會打電話，更加識唔到白玉雪，都要多謝朱秀娟打黎，如果唔係要回電俾妳，都唔會去o個間雜貨店呢 ~~
介紹返: 鄯善縣城海拔平均 500 幾米，人唔太多，一條大街貫穿縣城，街燈凌晨 0000 就會熄 ! 今日終於沖左個全時間o既熱水涼，滿足 ~~
Day 2 (06.08.05) 緣慳一面
朝早七點幾收到白玉雪 SMS，佢有要事要先到烏魯木齊，最後都係緣慳一面，希望我地可以o係烏魯木齊見面吧~~
本日節目: 織手 / 腳繩，寫 postcard。去食白玉雪介紹o既小籠包店，食大肉包，但豆漿賣哂，可惜 !! 死心不息搵 postcard，頂，原來郵局係有o既，但佢地又話無，呃頂 ~~ 郵局入面認識一名做暑期工o既烏魯木齊少女，18 歲，會返烏市繼續升學，對攝影有興趣但糟母親反對 ! 有見及此，我俾佢試下單鏡反光機o既感覺，希望佢唔會放棄佢o既夢吧 ~~ 佢叫做馬莉，英文名果係就係 Mary 。合照行動取得成功，希望佢會到香港玩，我一定會帶妳去玩 ~~
呢度就係收留我o既旅館，有空調，書檯，感覺十分之溫馨架 ~~
全日就係寫 postcard 中渡過，中途唔夠想買多幾張，點知馬莉收左工 ( 其他人無佢 department o既匙 )，要等到 1630 先返，成個幾鐘，點算 ？ 食野吧 ~~ 再食大肉包，錕鈍 ( 都只係 $5) 睇射鵰(係張智霖同朱茵o個套)，忽然好想追，睇下睇下時間就易過好多了，重返郵局，果然係 1630 左右返，太好 !!
呢個就係真．馬莉，雖然拎左佢電話，但好似係搵唔到佢o既……
呢度o既小朋友都幾靚仔，有一個有 d 似黃一飛，你地覺得呢 ?
出發火車站途中又係要經過荒蕪o既戈壁，火車站入黑時暗到呢…不過幾好 feel。
打的到火車站，竟然要一個鐘 !! 中途訓著左 !! 到火車站織下腳繩，打發下時間，攪到 10 點，Yeah，晚飯 ($4)，再上網 ( 4個鐘，$8) 上網成癮得到何書桓之後 ~~ 碌返去火車站，仲要等呢 ! 獨行之旅暫停一陣先， 唔知可唔可以順利同釗會合呢 ?
第八站 ─ 吐魯蕃Day 1 (07.08.05) 偷食
由鄯善 “ 企 ” 火車 2 小時左右，終於到達吐魯蕃 !! 不停東張西望尋找釗 o既蹤影，我行最後都唔見，走出去 IP 話吧 ( 估佢會打俾我吧 !?) 果然，搵到妳了 !! 上賊車 ($5) 去市中心，等左一陣，人滿發車 !
要先搵住 o既地方，搵黎搵去都係 $5-60 ，超過左上壓，再搵 ! 終於成功搵到吐魯蕃賓館， $30( 五人間，無空調、電視 ) 有一荷蘭朋友，詳談過後，進行到達後第一個活動 ---- ?覺 ~~
大約 4 點左右，決定沖個靚涼 . 嘩 ~~ 強水力 + 熱水 ! 暫時最舒服 o既熱水涼 !! 花曬好好野 ~!!
呢度就係住 o既地方，吐魯蕃當地夏天非常熱，但由於住處係地下室，感覺好涼 ! 讚 ~~
去第一個景點蘇公塔前祭五臟腑，烤肉包 $0.5 一個，奶油茶 $2( 咸 o既 ) 當地會有小朋友無啦啦伸手要錢，可能係之前 o既好心人種落呢棵貪心 o既種子，好心做壞事 . 去蘇公塔可以坐公車 106 路到門口 ($0.5) ，沿路又有小朋友 sell 手工藝品，鍾意 o既不妨講價 !
奶油茶，睇落好好飲，但係口感係似鹽水 ......=＿/=
當地小朋友對相機都幾好奇，每次影相都會好雀躍 ! 呢班係善良 o既小朋友 ~
出發去蘇公塔，坐公車就可以到達，方天下之大便 !!
眼望蘇公塔，但又唔係好大興趣入去，決定蘇公塔附近?小村莊逛下，行下行下，行左去人地?葡萄園，見四野無人，同釗偷摘葡萄，一食，真係乖乖龍地冬 !! 超甜呀 ~~ 係暫時為止最好食?葡萄 ! 掂呀 !!
到達蘇公塔，放棄入場，改遊農村，呢個時間會有可惡 o既小朋友伸手問你?錢，可以不理 ~~ 繼續前行都係一片葡萄園 ~~ 呢個時候我同釗忍唔住要偷食一個，嘩頂丫，七劍下天山呀 ? 痴線，好食到攬 ~~ 雀尾，欲罷不能，整多幾 hit 先掂。
就係咁，今日就 o係偷食之中渡過了 ......
出返市區，天都黑了，住處隔離咁?有人包場，有人唱歌表演，必睇。
介紹返吐魯蕃縣城海拔 200-300 米左右，吐魯蕃賓館算係比較平 o既旅店，沖涼 ok~~ 熱水水力強，但供應時間有限。吐市比較大，人都多，開始有現代化 o既感覺，市集仍保留比較傳統市場感覺
成地都係瓜，佢地土產就係瓜，平到你唔信，幾蚊已經可以買到一舊。
Day 2 (08.08.05)水是我 ......生命之源 ~~
今日行程決定到坎兒井參觀，?到自然醒就出發，真寫意 ~ 吐魯蕃又曬又熱，唔打傘應該會皮膚癌而死 ! 釗今日慘受頭痛，發燒 + 胃氣漲煎熬，仲要去曬，好彩坎兒井內都幾涼爽，井水清涼，正 !! 服務員姐姐又 ok 靚，但影相要俾 $5 ，即刻進行 plan B— 偷拍行動 !! 不過張相素質麻麻，唔 post 出黎了。
去到入面有個地方叫「阿娜爾汗的家」，入到去無咩人，但見到有人玩風琴，幾有 feel ，不過應該係初學，企左o係附近一陣，但係都未聽到一隻歌，可惜 !
「阿娜爾汗的家」有葡萄干賣，不過入面匿埋左幾多隻烏蠅就唔知了，一隻飛左入去都未必分得到 !
今日再次偷摘葡萄，但今次??有核 + 酸，無尋日o個 d 咁好食，但買o既反而 ok 喎，無核 + 甜 ! ($2) 抵俾 !!
一抬頭，滿是葡萄，食慾激增，最後屈服左，食 !!!
坎兒井話哂都係一個類似博物館，當然唔少得有模型玩，更俾我發現外星生物人頭…　-＿-+
參觀完坎兒井，到附近小村莊行下，發現一對鵝男女，好難先影到，佢地係咁走 ......
返賓館拎野走了，準備到烏魯木齊去。大城市，搵賓館又係一難題。記住，烏市係有 2 小時時差架 !!
介紹返烏魯木齊海拔約 1000 米左右
P.S. 臨去到烏市會o係公路見到一排風車，可以留意返 !! ( 達板城，鹽湖位置 )
第九站 ─ 烏魯木齊Day 1 (08.08.05)水土不服
由吐魯蕃去烏魯木齊o既長途車 ( $25 )，車程約 3 小時，途中會停低俾人去廁所 .
中途會經過達板城風力發電，一個個大風車o係你面前，雖然係高速移動，但係都有時間影到相o既！
新疆地大脈搏，處處見戈壁
開始進入風車地帶，睇相啦 ~~
由於釗實在太唔舒服，新疆大學交流部住宿又太貴，幸得好心的士司機叔叔送我地到平價飯店 ------ 龍泉飯店，二人間 $76，有公共衛生間，電視，風扇，大城市算平啦 ~~ 去買粥俾釗，但苦尋不果，只好買醪糟雞蛋 ($3)，我就食雞肉炒米粉 ($5)，呢度外賣唔另加 $，因為無論係固體同液體都只會用膠袋裝，希望釗嘔完後真係無事，訓一覺就復完吧！
Day 2 (09.08.05) 銀聯
九點幾十點，釗終於醒了，執野梳洗加入睇天龍八部行列 ( 樊少皇o個個版本 )，好睇呀 ~~ 出發食早餐，小籠包 ($3)，豆漿 ($0.5) 因為盤纏用哂，要到人民廣場搵中銀，後來決定去「水磨溝公園」。坐 104 路公車，到溫泉總站，其實可以o係尾二合個站七紡落仲近。公園門票 $5，全人工建築，漫無目的地行，水磨溝公園 = 維園，hea 下又到 4 點左右走人，釗出發到博物館，我就搵 ATM 去。
如果無記錯，呢位係林則除，o係山頂上見到佢，佈滿紋身 ~~
「水磨溝公園」當然唔少得有水磨啦，古典格調不錯！
博物館近友好商場附近有一中銀，但係我拎唔到錢！！一位男服務員好熱心咁幫手，又打電話去總行幫我問，最後佢叫我去總行問下，仲俾左 $3 我 ( 因我己身無分文 ) 搭車到廣場，太感動了！！坐 101 路到達總行，可惜有一服務員無咩點幫就打發左我走，可惡！！搵第二個，係咁 lur 之下，攪左一輪，佢地叫我去招商銀行 ATM 試下，呢個時候點都要搏一搏 ~~
好彩最後真係可以拎到錢 . 大家要留意如到國內，最好係有銀聯，如果唔係會好似我咁濕滯！！因為中銀o係新疆係無全球聯網架！即係話入新疆前一係拎哂 d 錢，一係o係新疆搵招商銀行 ( 但係新疆唔係度度都有招行的 )。
集合返後，釗打算睇 &七劍&，我就去上網成癮去吧！！人民電影院 &七劍&$15，&拳霸&$10。買飛後到 KFC 晚餐，好耐無試過豪食了，偶爾都要放肆下先得。返去之時竟然落大雨！！可惡 ~
Day 3(10.08.05) 順風車
今日想去天山天池，晨咁早就出發喇！從新華南路可坐 912 路到人民公園搵上天池o既旅遊班車，開價 $120 包午餐來回，11 點左右到天池，5 點走，都好似幾ok，去食野，遇到一個旅遊社總經理，話埠康無車去天池，但當我知佢係攪旅遊，可信程度急降！！到街上問人，得知有車喎，可惡丫！！決定自己殺上去天池，出發展子溝客運站去 ~~
到客運站得到埠康有車去天池o既情報。搵 906 路公車到二毛，二毛o既北郊客運站的確有車去埠康 $9。埠康縣城海拔 700 左右，除天山外都無咩好玩了。往返烏市車程約一個多小時，去到車站，得到一個消息，因尋晚大風雪 ( 城市o個場大雨，o係山上變成大風雪 )，將路都沖爛哂，要起碼兩日先可以再通車。唯有返烏市吧，無奈 ~~ 無緣 ------ 天山天池行動失敗，心有不甘，臨時決定去五彩灣行下，要坐往克木薩o既車中途落再坐便車先入到去，車上訓訓下唔經唔覺過左 2 個幾鐘，有一個人批左我隻眼一野，同時我地要落車了 . 原來我地要跟住o個個男人 ( 批左我一野o個個 ) 去我地要去目的地，原來佢係一個修路工人 ( 應該係比較高級o既！) 就係咁我地就成為左朋友，我地沿住仲修緊o既路一邊截便車，都花左不少時間先順利上到車呀。
中途我地停車慢慢食甜瓜，太爽 ~~ 要入五彩城係要穿越左世界第七沙漠 ------ 古爾班通古特沙漠，眼見沙漠邊緣起哂圍欄，原來係因為怕 d 動物衝出黎會俾車撞死。
一齊食個甜瓜吧，cheers~~
o係路上工人用人手植入蘆葦，用以空風沙將公路吞噬，極之佩服修路o既人，太偉大，太辛苦了。佢地工作半年，休息半年，冬天完全唔駛做，但夏天極辛苦呢 ~~
工程車去到一個修路位，全世界都要停車，我同釗就去佢地o既宿舍同飯堂，同我地同行o既大哥姓除名凌，四川成都人，8 歲己到新疆工作，好爽，熱情，好客！！由於天色已漸沉，決定今晚唔返烏市。
晚飯後到空曠o既地方睇星 . 見到三粒流星，真好，呢次係我今次旅程第一之見到流星。
硅化木，聽徐大哥介紹返，呢 d 係係史前o既木，經過時間o既洗禮，變左做化石，價值不菲，所以好多人走黎偷木，之後做傢俱圖利。
多得樊樂和仔阿威阿釗幫我添置返o係廣州遺失裝備，即試 ~~
介紹返五彩灣油站附近海拔 650 左右。
Day 4 (11.08.05) 閒遊烏魯木齊
由於太早起身，於是同釗向公路前行，大約 400-500 米左右吧，走入路邊沙漠，好曬，好干，但又唔算好熱。
真係曬到皮膚極速潰爛，好彩有 d 風令到感覺都還不錯。
呢度就係佢地住o既宿舍，住呢度係沖唔到涼架，只可以抹身。
返去同當地人吹水，得悉無車入五彩城，睇黎要放棄吧！？教佢地玩廣東麻雀，但好可惜佢地無教到我地新疆麻雀點打。
下午三點，要坐車出返烏市了，今次又係坐便車 ( 拖頭 )，臨走同徐大哥擁抱一個 ( 佢個樣有 d 似胡瓜，又有 d 似少年譚炳文 )，估唔到二人行之後仍有呢種奇遇，真係好開心！！再見喇徐大哥，多謝您呀！！
o係車上避都無得避，侷曬，大家睇下阿釗就知，我即刻駛出防曬裝備置 ~~坐足 5 個鐘。2023 到烏市，到碾子溝買前往布爾津車票 ($107) 聽晚出發去新疆最北之地 ~~
晚飯去五一夜市，好多野食揀，去相 ~~~
呢碗係抓飯，可以唔放羊肉都得，不過碗飯都幾油。
人來人往o既夜市，發現不少正貨，另外仲有人即場整琉璃。
今日坐左成日車，點都要抖返夠本先掂 ~~
Day 5(12.08.05) 巴扎遊
訓覺訓到 11 點，太累喇，成身梗哂！今日主打 ------ 二道橋國際大巴扎。
二道橋比我想像中細，雖然入面有好多好正o既野，但狠心地唔買了，要忍手，廢時重死自己呀！！途中見油炸鬼，sorry，應該係油炸石先o岩，去嘉樂福行街街，發現原來半機動電單車要 $16xx，都唔係貴，即刻想買返架！
當地有一種好奇怪的生果，望多幾眼，最後都係無試到，只知感覺不太良好 ~
寫寫下明信片行動，結識左一位哈族少女，感人合照啦仲等？
搭上臥鋪巴士往布爾津，上車就訓了......下站見 ~~
總結，烏市地方大，人又多，海拔約 1000 左右。
第十站 ─ 喀納斯Day 1 (13.08.05) 人間淨土？
凌晨，見到滿天星星，應該係 5 點左右，見到流星，太好喇，真係滿天都係，有 d 更加係會閃。睇到個人都醒哂，但點都要訓。訓到 7 點幾左右，日出喇，好幸運俾我見到日出 o既晨光，真係好幸福 !! 架車終於 o係早上 9 點左右到達布爾津 ! ?左成 13 個鐘，超爽 !!
中國西北之地，曬到顛左，睇下 d 雲 o既影，假到呢 ~~ 去到一個位係要上當地 o既巴士，可以見到大量曬駱駝。
早餐時打聽之下，公價 $50 一個先去到喀納斯，屈死 ~~~ 無計，上車 !! 車上認識兩位河南 o既公安大哥，佢地激 nice，為左捉一個殺人犯，北上布爾津，順便遊湖。我地一齊住o係一哈族人o既屋內，每人$12.5，抵 !! 間房雖然好多塵，但 ok 大 ! 經 14 歲老闆個仔馬克沙提議，先去騎馬睇黑湖去 ( 一人 $150，豪一次啦 ~) 我隻馬係跑唔郁，跑幾步就慢左落黎了，但釗 o既馬超快，佢同馬克沙提一馬，我同另一哈族姑娘同馬。
多得兩位公安大哥講價技，全個 trip 住得最平呢次，住木屋感覺不錯 !
愈上山就愈凍，天氣仲開始轉壞，漫天烏雲。( 據佢地講前幾日不停落雨，我地黎到有陽光都算好彩！) 由於路途都頗遙遠，好多時都會停低俾馬匹休息。
休息終了，我先上馬，之後我 partner 再上馬之時，隻馬突然走開左，令佢跌傷條頸 !! 而我亦俾馬 fing 甩左，我之前死命地捉住疆繩，但不幸成功俾佢令我甩開了，更大獲 o既係我右腳仍扣住上馬腳踏，慘被馬拖行一陣 !! 我不停 fing, 終於 fing 甩腳踏，落左地，完成墮馬行動超 E o既動作，o係呢個小組入面有 0.5 o既加分 !!
大家坐上馬準備出發，行無耐就可以遠眺喀納斯湖 ~
中途會見到有一 d 士多，用作補給休息。亦會見到馬鹿 !!
大家細心留意，一點點白色 o既野係羊黎架 !! 有 d 羊絕對係攀爬高手，企哂 o係懸崖度，睇到都驚 !
呢個時候都坐左兩個鐘，阿釗已經戥到變顛婆了 ......
到頂喇終於，黑湖果然見面不如聞名呀o下 !!
全片只有一個重點 ------- 好凍呀 ~~
終於到達見到黑湖 o既山頂仔，點知風愈刮愈大，仲落起雨黎，唔係，應該係雪，係雪呀 ~~ 真係要高唱 「2005 年的第一場雪」，但凍到攬 ~~ 雀尾 !! 凍到墮指裂膚，幸好有人遞上熱奶茶同食左一舊包 o既物體，即時暖少少，但都係快 d 落山去吧 ~~ 由於落雨 / 雪 + 濕 o既關係，雙腳懷疑已經被切除，無哂知覺 !! 可憐 o既兩位公安大哥仲要上山 (2 個都著短袖，一個仲要踢拖 !!) 佢地落返山時手都紅哂，已經凍傷吧 !?
落雪呀 !!! 好凍 +__+......
* 留意 !! 宜家入喀納斯係唔駛辦邊防證架 !*
&Day 2 (14.08.05) 香港人
訓到 10 點先醒，聽講話會去白哈巴，好！執野。上車臨出發先知一人$250，嘩 ~~ 太過份吧！？放棄行動啦，自己搭車 + 行路去觀魚亭去。( 觀魚亭海拔 2070 米 )
呢兩位就係極 nice 的公安大哥。
沿途見到o既景，好似去到歐洲咁，感覺良好！！
沿途得知釗尋日騎馬騎到好傷，( 隻馬太快 ) 慢慢行吧 ~~ 沿普通草地山路上，一路行 .....。終於到左信和喇！ D 人多到呢 ~~o係觀魚亭大休，認識四個香港旅客，佢地用有錢人玩法，我見到佢地極開心 ( 唔知點解 )，可能呢種感覺就係他鄉遇故知吧！返去住所拎野走吧，中途見到湖水極藍，書上寫喀納斯未被人類開發，相信只係湖面吧！？喀納斯已被嚴重開發了。
各位觀眾，喀納斯湖參上 ~~ 應該係一個假 o既湖黎。
觀魚亭上人來人往，可遠觀友誼峰 ( 應該係掛 )
Hea 左好耐，係時候落山了，中間會經過一座木橋，係可以行車架！
認識一個杭州人，王哲聿，比我少一年，因有要事 ( 生意上 ) 黎喀納斯已四個月，都係o岩o岩畢業，傾左一陣，路線、前途、人生，ok 好傾，但我地要走了，佢仲要留多陣再返烏市。
離開喀納斯途中，可以停車影低著名月亮灣同?龍灣，聽人講秋天時配以黃葉會更靚。
坐私家車返布爾津，阿拓海不停咁掟灣，前面又不停食煙，極想嘔 ( 呢次旅程暫時最辛苦o既身體情況，四個鐘車程返到客運站，仲結識左一個香港人，3x 歲，一齊住交通賓館 ($70/3 個人 ) 、食飯。電視播「七劍」，激死釗！因為幾日前佢先 o係烏市戲院睇正場，宜家電視竟然有得做！！
爾津屬小縣城，人車俱少，空氣清新。
Day 3 (15.08.05) 南下奎屯
九點幾先醒，得悉 11 點前要退房，拿拿臨走去沖涼( 澡堂 $3) 好不幸，銹水都要沖，但水溫 ok ！共進早餐後大家就此分手，希望佢旅程愉快啦 ~~ 遇返香港人感覺十分之溫馨架 ~~
早上到市場逛逛，發現我最喜愛 o 既野，仲要好大舊下，一時驚愕！
當地 o 既建築物有一 d 歐陸風味，令你感覺唔似 o 係國內咁，仲要見到 19 狗，hush puppies
今日到額爾齊斯河閑遊一下，可惜河已被污染，隨意影下相就走了。買車飛今晚走，又要向下一站出發了。
呢條就係額爾齊斯河，同城門河一 9 模樣 =__=
今次坐 o 既?鋪車無空調，行車時不停震，車上 o 既人又食煙，勁?命！！ D 腳全部都係 “ 宿 ” 味，=__/= 我左邊 o 既阿叔，一野開大隻窗，之後蓋被，呃頂 ~~~ 凍倆死我 ...... 一句講哂，車內情況都幾惡劣！
講解下車 o 既構造，車內全部上下格床，上面平 dd，而車內都係分三行床，最後一張大床可訓五個人。試想下後面五個人之中有四個食煙，應該會好開心！
車程 : 布爾津 && 奎屯 2000----0630 中途會停車休息食野。下一站去三台！經歷全咸魚腳地獄，以後再聞到腳味都唔驚了，成晚呀！！
介紹返布爾津縣城海拔大約 550m，ok 曬，夜晚會幾涼。
第十一站 ─ 伊寧 Day 1 (16.08.05) 不可不信緣
早車到松樹頭要 0800 開出，上車時，我個位前面張凳落哂黎我o個邊，只好向前面o既女仕講一講，但張凳壞左，無計。就係咁我地傾起計黎。譚金秀大姐係福建人新疆出世，父親o係新疆當兵。譚大姐今年 40-50 歲，熱，仲介紹佢做公安o既老公同 17 歲做 model o既女俾我地識。
呢位就係負責開長途汽車o既司機，愈來愈年輕化，途中所見又係無盡戈壁。
車上，譚大姐介紹我地住恆友賓館，佢住o係伊寧，所以知道邊度平，大約 1500 左右終於到達松樹頭，賽里木湖就近在咫尺 ! 但都係俾人開發，勁多蒙古包、馬、船 ...... 勁多垃圾 happy~~ 但好彩 d 湖水都尚算清。湖邊草地閒坐，hea 下，感覺十分平靜 ! 檢返存包 ($3 for 2 bags) 截車去伊寧，幫我地存包隻羚羊最過份，開價一人 100，唯有駛出 ignore 技。
終於到達賽里木湖，大家可見，被開發o既程度有幾高，又有得坐船。
由於係旅遊區，可以見到有好多動物俾大家騎，除此之外大家都可見一 d 牛仔馬仔羊仔人仔。
咁o岩見到牧羊人放羊，羊仔o係身邊大叫咩咩聲，十分過癮，有 d 仲會望鏡頭架 !
等左一陣終於上左架長途車，一人 $20( 原本 30) 無位坐要坐凳仔，各位如果有機會的話，坐左邊可以睇到果子溝，但由於坐o係車o既正中間，睇到唔 ~~ 不過唔緊要，最緊要有車去伊寧 !
原始森林 feel，可以真．剷林。
三小時左右終於到達伊寧，先 settle down，但恆友賓館要 $50 一人，過隔離葉城賓館，一人 $25，靚房，有涼沖有洗衣機 !! 掂呀 ~~ 出發去聞名o既伊寧大橋，坐 2 路車就到，可惜天公不造美，日落被雲遮了。岸邊有好多對新人行禮，天上又有大量飛鳥陪襯，如有夕陽，應該 perfect!!
巴士停車o既時候，有人會賣野食，當地人一見你影佢，佢會好樂意咁笑住影架，nice~~
夜市食炸串燒 ($0.2 一串 ) 好食 !! 譚大姐帶我倆到佳餚食店晚飯豪食 !! 好耐無食咁多了，呢度有一種蜜蜂啤，好好飲 !! 一飲即愛上 ~~ 又即席摘葡萄食，勁 !! 食完太飽閑逛一下 , 幫助消化先掂 .
呢求就係今次住o既地方，幾企理架 !
伊黎橋上的夕陽，無夕陽？係架，我都睇唔到有。但留意橋下有人玩水 ! 橋邊有人結婚行禮，有風琴手跟住架，睇下聽唔聽到佢彈緊 d 乜 ?
賽里木湖海拔 2200 左右。
伊寧縣城海拔 750 左右，係個現代化o既小城，多潮人，人都 niceo既。當地有一種蜂蜜啤，一定要飲呀 !
伊黎河係由東流向西o既，比較罕見。
Day 2 (17.08.05) 滯留
原定 0800 起身，返訓行動直至 0930，真好，訓夠就食早餐，呢度o既奶茶竟然有港式奶茶o既奶茶味道，感動味蕾 !! 是日目的地 ------ 那拉提草原，但天公不造美，keep 住落雨，唔通個天都唔鍾意我？
長途汽車站內的板上有塗鴉，粉筆繪，極讚 !
車上食完 4 個鐘二手煙後，花五小時左右到達那拉提鎮，再上一架巴士上草原。架車坐位 30 個 ( 連司機 )， 但坐 + 企左 40 幾人，太顛 !! 車以慢速上山，又行下停下，路窄，側邊又係懸崖，彎彎曲曲 + 爛泥，都 ok 危險架 !
小巴內o既情況，雖然好多人落左車，但都仲有好多人，加埋天雨，草原路況不太好。
兩小時後o係草原落車，到處走走，先醫肚，得知草原叫恰博禾牧場，海拔 1995 米，食土豆絲 + 麵 ($10)， ok 好食，老闆請我地食野生蘋果。本來諗住應該真係o係山上過夜，因不停落雨，又無車落山，但等到 9 點幾左右終於有一班車了，唯有o係大霧中行駛，感覺都幾危險 ~~ 落到山已經 2230 了，已經無車返伊寧了，唯有住o係當地賓館 ($30)。遇到廣州黎o既人，佢地介紹巴音布魯克要必去，天鵝湖可以不理，但老闆同廣州朋友一致話係要包車先入到草原。交換情報後，要返房休息了，聽朝要趕返賓館退房 ! 講真走o個時，有 d 唔捨得草原上個老闆，真係好好人，26 歲，教我地點逃票入草原，以為我同釗係新婚渡蜜月，仲話我同釗有可能......嘩 ~~ 些些喇 =__/=
野生蘋果同拌麵，蘋果真係好好的，有片為證。
那拉提鎮海拔 1460 米，落雨就會 ok 凍。
那拉提鎮o既人 90% 都係哈薩克族，漢人比較少，所以我同釗o係上山o既車內備受注目。
Day 3 (18.08.05) 太極
由於諗住返伊黎退房，好早就起身了，開始四小時長征 !!
返到伊黎，沖涼洗衫攪到 3 點半先出到去食飯，到公安局攪邊防證。( 去一個叫做昭蘇o既地方書上話要邊防證 ) 點知個公安根本唔想幫，連打個電話都懶，又唔講o係邊 ( 問左幾次都唔想講 )，差 d 慘變人球 !! 又話要去邊防局攪。佢地成功駛走我地後，我地決定自己打電話去問，點知又話邊防局電話已經停用 ! 真可笑 !!
呢日o係城市逛下，仲見到好親切o既野 =__=，我似唔似當地人呢 ?
到客運站去，頂丫，又話下晝返黎買票，宜家又無，仲要遇到一個臭串o既售票員，又要聽朝 0830 到客運站，玩咩 ~~~? 到新華書店睇書算數，到人民廣場，今晚豪食一 hit，雞脾，西蘭花，即殺 ! 聽日又要早車 ......
小朋友玩滾軸溜冰，非常 old school~~
呢度有間聚友網吧 ($2/ 小時 ) 可 ICQ 但睇唔到繁體字 !
第十二站 ─ 昭蘇 Day 1 (19.08.05) 雪山, 草原, 浸溫泉
往夏塔鄉班車於 0930 左右開出，只有一班 . 而伊寧去那拉提班車車次為 1000 ，1200 ，1500 ，1700 ，要把握好時間先得呢 ~~ 終於 1400 到昭蘇客運站，沿途經過大草原 ( 大量 ) 如果車內無人食煙，呢一程車係幾好，靚景，涼風送爽 . 昭蘇客運站海拔 1925 米左右，市內一條街貫穿，頭先經過橫街時，有一刻個 feel 極似巴里坤 !
一望無際o既草原，令人感覺好平靜好舒服，好易就可以o係車上?著了。
終於到達昭蘇了，不過天氣好似轉壞咁 ......
呢度開始多?非漢族?人，個人覺得佢地真係靚仔 d ，連 BB 都鬼鬼地。
沿途風景真係好靚，草原，農田，蘆葦，仲有薰衣草，1700 終於可以落車，但落雨了 . 俾大班維族人包圍，包車 $350 ，貴，先去食野問資料吧 ~~ 詢問過如果有人同行，就一人 $40 ，兩個人 $160 ，都 ok! 上雪山浸溫泉，食完野，架車無左影，唯有經好人嬸嬸引領下，到夏塔鄉招待所呆等吧 ! 佢地話維族人會坤遊客，記住有咩最好搵返漢人呀 ! 夏塔鄉係一個仲未被開發o既地方，路都爛爛地，有車經過會刮起風沙，冬天會落好厚o既雪，8 月都好涼，等於香港o既冬天一樣，ok 凍。
市內環境比較荒蕪，不過感覺又幾平靜，仲可以見到雪山，我反而鍾意呢 d 感覺 . 呢架就係我地入去郊區浸溫泉?吉普車。
忽然有位女士一齊上山，話有重要事做，就咁樣我地一齊上吉普車了，原本仲話諗住租貨車上去，我訓後面，諗返都幾顛，因為愈上山愈凍 ! 如果真係訓o係後面 ......happy~~ 一路上顛簸兩至三個鐘，經過原始森林到山都差不多 10 點了，感覺到寒氣迫人 !! 得知有兩個廣東人黎左呢度，順道打個招呼，交換情報，喪計到 12 點都唔知，係時候訓了，如果今次無睡袋，我諗我會猩猩 ......
出發喇 ~~ 沿途會經過原始森林，仲會愈來愈凍 ......
但個月亮光到唔知想點…
夏塔鄉郊區海拔 m
住宿分 2 個檔次 : $30/ 人，靚 d ，床好 d. $15/ 人，床好似好唔隱陣，落雨仲會漏水。
Day 2 (20.08.05) 作病
見到雪山，好近，感動流涕 !! 朝早 7 點幾起身為睇日出，咁倆凍仲唔返?呀 ? 雖然係咁，但係起身之時正好見到朝陽投射到雪山o既光芒，靚絕 ~~ 但愈影相愈凍，決定浸個溫泉去 ! 一條友獨霸整個溫泉實在太爽，但又唔可以濕頭，鴉丫呀 ~~ 愛在心內暖 ~~ 浸左 20 分鐘左右，已經好熱，拉下筋上水坐下，浸完竟然出汗 !! 呢度o既泉水無硫磺味，浸完出返外面，冰火 ~~ 浸完執埋野係時候上 11 點車走了。
今朝浸溫泉浸到有 d 頭痛，唔係病呀 ? 唔好掛 !? 狂凳之下，1 點 3 左右到夏塔鄉，即上大巴去昭蘇，夏塔鄉海拔 2005 左右。
朝早凍到車頂都結哂霜…無辦法唔唱 : 連手心都凍傷 ~~~
雪山近在咫尺，仲可以欣賞晨光。掂呀 ~~
呢度就係獨享溫泉?地方，因為只有一隻窗透光，極有 feel ，但真係浸到有 d 焗 ! 應該發燒了 ~~ 弊 !!
現在由朱啟謙報導…當地…?環境…先…
呢度是但整 d 數碼垃圾都係好靚架&# 返到昭蘇，即刻轉車到伊寧 ($24)。
返到伊寧後同新認識o既兩位廣東人晚餐去，食沙鍋 ($6) 抵 !! 再食西瓜，飽到不行 ! 散步到人民廣場， Kawas( 格瓦斯 ) 啤酒 ($2) ，都係上次好飲 d. 食一串烤羊肉串 ($1) 辣 ~~
宜家有四個人，可以包車入巴音布魯克大草原，待機。
早上 9 點幾o既草原只有 9 度，相信再早 d 6-7 點同夜晚仲低 !
我地咁o岩撞上最凍o既一晚 ( 據一個o係o個度留左成個幾月o既時裝設計員講o既，佢係一個廣東女仔黎 )
山上凍到個鼻都可以噴煙，勁 !!
進入夏塔鄉已經唔駛辦邊防證喇 !
第十三站 ─ 巴音布魯克Day 1 (21.08.05) 北疆最後之旅
停留o係伊犁地區都有幾日，但有一件事始終做唔到，有一 d 遺憾 ! 坐上 1000o既車 ( 今次坐小巴 ) 正式離開伊梨o臨走前車站一個票務員仲送上親切o既笑容，幾好 ! 1340 左右到那拉提一個小鎮停低，包一架私家車，一日來回 $300 ，如過夜 $400 仲要包司機食宿oOK ，上 !!o係去巴音o既車上竟然有 Beyond 聽，勁呀 Beyond! 1347 開車，巴音布魯克，我黎喇 !!
呢度係伊寧住o既地方，又大又乾淨。
去巴音?途中，由於成日停車，好多時間製造數碼垃圾o呢度?電燈柱係用木造架，正喎 ~~
Full Gear 上陣，塞爆架車。
悶悶地，玩老笠先 ~~ 向公安下一個馬威先 ~~ 完全無視法紀 =__/=
如果o係呢度壞車真係攬 ~~ 雀尾… 一個人都無，又曬到爛。
話分兩頭，架車真係又停低，不過竟然見到有兩個人行過黎 !!! 佢地o係邊度黎架 ?? 前面又係一片荒蕪架喎 ~~ 好顛 !
架車一路上山，沿途見盡靚樹雪山，但開頭已經要停落黎，攪左好耐，成粒鐘 ~~ 為整冷氣 ! 架車冷氣唔知幾耐先會出一秒o既熱風，加上前面有車o個陣會刮起沙塵，我地車就會食哂 ! 行到一個 2000 幾米o既地方，又停落黎 ~~ 今次係成個死氣喉跌出黎 !! 太顛 ~~大家除左o咀之外都無野做到了，睇風景當無事發生啦 ! 行車變得嘈左 ! 之後再跌多樣?軨 ~~ 唯有將佢放o係後坐吧 !!
入巴音布魯克時有柏油路，後段爛路，但唔難走 ( 門票 $6 ，學生票 ) 原來個司機係唔識路入九曲十八彎，呃頂 ~~ 入到去都成 5 點幾，上山等日落 ~~
終於都到左喇 ~~~ 行一陣就到大草原，真係一望無際，o係呢個時候梗係黎一個蓆地而睡啦，好舒服呀呢次，唔拮架 ~~
一路 keep 住向上行，會有人撩你騎馬，不過其實行上去一 d 都唔辛苦，去到盡頭有一個似廟?建築物o到觀景地時，當然黎個指定動作啦 !!
當地環境一覽。
只能夠唱一隻，夕陽無限好 ~~~who ho ho 柯 ~~ 天色而黃昏 ~~Ah ah ah 呀 ~
9 點幾係日落最靚之時，極速落山 ~~ 出返巴音鎮，時間大約 2244 左右，開頭個司機唔識路走，好彩有吉普車帶一帶，如果唔係相信要o係草原過一晚夜 ...... 返到鎮先搵地方住，個司機講價，企到硬一硬，最後 $380 包車，當包兩日，可惡 ~~ 幫手講價o既男人帶我地到一間旅店，一人都係 $10 ，住啦仲等呀 ? 成八點幾，又餓， settle down 後到附近食大盤雞 ($45)+ 哈密瓜，大盤雞入面有土豆，正 !! 瓜又甜，飽 !! 食飽就訓，完了o
新疆特產 -- 大盤雞，少少辣，但好好食，有機會一定要試試佢呀 !
九曲十八彎海拔約 2650m ( 開都河 )
巴音布魯克鎮海拔約 2500m ，早上 ok 涼，個鼻可噴煙
巴音草原係天山山脈入面一個平原，廣闊，一望無際 !!
呢一帶o既電線杆都係用木做o既
伊寧市市面可見「馬的」，即係馬拖行的交通工具…
&Day 2 (22.08.05) 瘋狂凳車遇上瘋狂牛
呢幾日個肚唔多舒服，成日都要去擺堆，好麻煩 ! 落到客運站，車仲未到， d 人勁鼓譟，又嗌哂交咁，勁 ! 知道架車將會行駕 10 幾小時，但究竟要等到幾時先開車呢 ? ($43 連 $3 保險 )
呢度就係巴音住?地方， 10 蚊算係咁啦o樓下就係客運站，完全係鄉村格調，不俗。又見到挑戰健力士世界紀錄，不停將重物放上車頂，成個箱照搬 ~~
架車於 1015 左右終於都開了，沿途全車都係沙塵，狂凳，有時又凳到個人都拋起 !
1150 停車放飯了，忽然有「 毛」牛追住釗，見到無得唔勇救啦 ! 成功令隻牛轉移追向我度，但係呢個時候釗跌低左，前無去路，後有顛牛，隻牛用隻角一野隊我隻眼， Fuck! 好彩佢唔係好大力，我又縮得快，力保不失 !o個一刻，極想搵磚頭掟佢 ! 可惡 !! 可能佢知我想擺堆，於是隊埋黎吧 !? 多得佢新疆野外擺堆行動取得大成功 !
有相為證，車上真係滾滾紅塵，防風沙裝備出動 !!
就係呢隻食屎牛，好彩我力保 ...... 健
班車於 1225 左右開出，走比剛才更凳o既路，凳到成個人都跳起咁滯o國道 218 ，話就話國道，但完全係爛路一條 ! 後面轉入國道 216 即進入柏油路，終於都無沙塵暴，太好 !! 之前不停風沙吹到成個人都係灰塵 !! 食哂 ~~
1920 終於到達和靜，和靜海拔 1240m. 今次坐小型巴士 $12 ， 1930 左右開出，估計要 2 個鐘。
呢一種車好靚，唔知係咪?鋪車黎，即時吸引左我地車上?乘客。
雞?又大又好食!
九點幾就到庫爾勒市中心了，o係廣場附近搵左一間招待所叫「幾位招待所」，床位 $20，殺 ! 沖涼再食飯，沙鍋 (3 個 $14)+ 雞? (2 隻 $12)+ 湯丸 ($4)，返去洗衫，洗袋，聽日閑遊庫爾勒吧 ~~
第十四站 ─ 庫爾勒Day 1 (23.08.05) 頹逛庫爾勒
掛住睇「超級女聲」， 攪到 4 點幾先訓，朝早原定 9 點起身，又遲 ! 十點幾先起 ! 先到火車站買火車票去南疆，好貴，仲要無位坐 ! ( 盛為 $130)
當地有一間高級少少?裝修但又平民價餅店，叫做麥趣爾，有機會可以去廣場搵下。
返廣場早餐，小籠包 ($3)，蛋湯 ($1.5)，燒賣 ($3)，返麥趣爾餅店寫 + 食丹麥條 ($1)，奶極好飲，菠蘿奶 ($2) 藍莓奶 ($2) 好飲 !! 決定到沙依東園藝場一逛，睇o下梨 ! 坐 26 路公車就到了。
當地街市，見識當地整餅情況，d 師傅真係超 nice~~
太陽好猛，防曬 =0，唔理 ! 入到廠，無人理，好似荒廢左咁，原來 d 工人o係度玩啤牌 ~~ 見無咩睇，決定走入附近農村，途中見到一對可愛男女童，送朱古力俾佢地食先 +___+!
走入一民宅探訪，只要影相寄返俾佢地就 ok，間屋唔算好大，但園地有成 30 畝，種左好多野，又葡萄又梨又紅棗。原來葡萄架每年會換一次，因樹會高，所以架愈大，樹齡愈大 ! 探訪完後再到另一家，得葡萄兩串，有核，唔太甜，但哈族居民熱情又好客，nice~~
神秘的花園見到好多唔同種類?植物，大家認得幾多種出黎 ?
土法籃球架，入樽不能。
十年計畫，十分可行 !
呢度?小朋友到左一定?歲數就要進行割禮，呢張類似證書?物體，仲以為係生日卡。割禮係咩 ? 估下啦 !
有無人識讀呢幾個字呢 ? =__=
探訪後就返廣場晚飯去 ~~
今晚到孔雀公園食，ok 貴，東北菜。土豆絲、宮保雞丁 ( 好食 ) 、香茄炒菜、荳芽韭菜炒蝦仁 ( 蝦米黎架 ~)+ 麥茶。
火車站食瓜分手，聲同詠要返烏市了，食完瓜，吹一陣水，就要入閘了，佢地真係好好，好親切o既感覺，好唔捨得你地呢 ~~ 希望仍有機會再見吧 ~~ 順風喇 ! 送完佢地後，趁未夠鐘上火車，上網啦梗係 ~~yeah~~
& 庫爾勒市中心海拔約 1050m
先講下庫爾勒吧 !? 庫市屬現代化城市，比較發達，Nike，Adidas 都可以搵到。夜市自然會貴少少。空氣算清新，夜市有人唱歌 ( 點唱 )，會播 VCDo既 MMO，有人會結他伴奏，有幾個小朋友伴下舞咁。夜市 d 小販都 niceo既，各人出盡努力勸你食佢o個檔，仲會鬥氣 ( 鬥大雞? ) 激死 ~~
再次二人西部大開發，最後一站為喀什，火車上一個位都無，窗口坐位又俾人 d 貨霸住左，怒搬走人地 d 貨啦，但係 d 貨o既主人仲叫我去前面搵位 ? 妳幫我搵丫不如 ? 妳試下企 12 個鐘好嘛 ? 真係要用一句：「挑 ! 妳都戇 9o既 ~~」講完 ! 多謝各位。
第十五站 ─ 喀什Day 1 (24.08.05) 喀什一日遊
由庫爾勒到阿克蘇大約要 7 個小時，到達喀什已經 1550 了。 o係阿克蘇有大量乘客落車，終於可獨霸成張凳了。車上有一男子對 DC 有興趣，一齊研究，佢係上海人，83 年出世，做環保公司，出差到喀什，之後會返烏市 o既公司，每 2 個月會返一次老家。佢好樣好後生，健談，不俗 !! 中途又有一維族家庭上車，開始有語言 o既障礙，就算其中一個識普通話，都解決唔到言語不通 o既問題，最後佢俾左電話我地，叫我地聽日搵佢 ---- 阿薩大姐。
火車沿途會經過一 d 似五彩城 o既地貌、戈壁灘同蘆葦築成 o既堤，防止沙漠化加劇。
阿薩大姐，佢係我同釗 o係新疆 o既媽媽，非常之好客，對我同阿釗都好好，邀請我地去佢家族 o既婚禮。
呢種奶有唔同味道，o係之後 o既旅程都會見到佢架 ~~
落車時我地跟左 o 個個做環保 o既大哥一齊打的到佢推介 o既賓館，真係 ok 平，$30 一個兩人間 !!! Settle down 後，就開始遊喀什去 ~~ 食野去 ~~ 坐 8 路車到新華店買地圖 ($6) 到百富漢堡午餐去，一個餐 $19.8 ，都 ok 貴，一次半次，算啦 ~~
得到呢個做環保公程 o既大哥幫忙，搵到一間又平又正 o既招待所。
辛苦左幾日，食返餐好 o既放肆下啦……都係食快餐咋 ~~~
四圍行到手工藝街，見到好多銀器，杯呀，碟呀乜都有，見到童裝羊仔帽，講價行動 $25 成交，二道橋要賣成成 300 幾個大洋，太顛 !! 買漢話練習簿做手信，呢本係俾當地小朋友返學用，幾得意架 ~~ 瘋狂購物係時候完結了。到著名 o既「色滿賓館」睇下有無人包車去紅其拉甫，但勁貴，我剩返 $700 幾，要小心 d 用 $!!
呢間野 o既感覺就好似星巴克一樣，坐低飲野，幾悠閒 ~~d 人個樣好似好惡咁，但同佢地影相時就會見到燦爛 o既笑容
呢個西瓜師傅佢見我影佢，佢發火呀 !!! 其實佢係好 nice o既 ~~
喀什必到 --- 艾提朵爾廣場
色滿賓館星期一至四有 $15 床位，星期五六日就勁貴，前身係俄國大使館。我地見到香港 o既旅行團，太令人興奮 !!! 再去巴扎行一行，但為時己晚，收哂工了 ~~ 天黑黑巴扎又無咩燈，要小心 !!!
呢度有個地方，會有舊大石凸出黎，好怪異。不過呢度 d 街燈就幾靚。
色滿賓館人頭湧湧，見到香港人當然開心，有一個小妹妹，又係十年計劃 o既成員黎，幾可愛。
o係喀什竟然見到阿花 ~~ 大家可以走喇 ~~
呢一個係一個慳時間 o既餵飼方法。
喀什市平均海拔 m 左右
其中一電視台播映時竟然 fast forward ，勁 !
旅館用太陽能熱水 !
Day 2 (25.08.05) 家訪
早上，釗忙住到汽車站買票，但唔成功。排左 2 個鐘，好慘。最後只能買機票返烏市吧。無左 $628 ，唉 ~~ 又無熱水沖涼，又要等 !! 仲要停電，無得睇電視，等一陣下晝同峰一齊行下街吧 ~~ 我要換頂大 d o既羊仔帽。今日應該係最後一日同釗同行了，佢聽日十點幾機，我都要睇究竟包唔包到車去喀拉庫里湖，無就可能走了，快快南下提款再玩。
喀什有峰大哥 ( 其實佢係細過我架 !!)o既照顧，餐餐開公數，多謝你 ~~~~
擇孤喀什支部 =＿＿=
大量小朋友想影相!!!
等沖涼，加上停電，悶到死 ~~ 決定出左去先算了，同峰一齊食飯去，蕃茄蛋湯 + 宮保雞丁 + 西蘭花 + 炒菜，好食，佢竟然開公數請我食飯，始終覺得唔係幾好，好唔好意思 !!! 飲後到色滿路拎飛機票。Total 釗用 $710 由喀什 && 烏市。峰同釗去香妃墓，我就去艾提朵爾廣場換帽，但要 $120 ，太顛 ~~ 買過個新 o既算， $70 o 係廣場見有人拎藏羚羊 o既書，睇黎包車可行，上前搭訕問下係咪包車吧 !! 原來佢地只會睇喀拉庫里湖，一於同行吧 ~~ 聽日七點出發 ~~~~ 真幸運 !! 返去終於沖到涼喇。
晚上到阿薩大嬸屋企 ( 火車上認識 o既維族人 ) ，等極都等唔到，後尾打的去，個司機唔負責任地放低我地，頂丫 ~~ 大量小朋友想影相，一人影完，其他人瘋狂走過黎，太顛 ~~ 最後憑 DC 相搵人帶我地去佢屋企，十幾廿人護送，好顛 ~~
呢一碗糖茶，味道不俗
呢 d 似麵包 o既其實係比較硬 o既，咬到 d 牙……不過浸落 d 茶度都幾好食架。
都他表演，阿薩媽媽唱歌，有興趣聽就問我啦，我錄低左!!
維族屋企的確好正，好多地毯， feel 到極暖，佢地屋企有 3 層，地底、地面、一樓，大到傻，靚到顛 ~~ 最後又有 “ 都他 ” 表演，正 ~~ 玩左好幾首歌，不過都夜了又疲累 !! 要走了，星期六去睇婚禮，就係咁，我地多左對新疆 o既父母喇 ~~~
&Day 3 (26.08.05) 喀拉庫里遊
晨早收到短訊，佢地已經 o係樓下等 ( 三個南京人，蚊子，萬子，仲有一個唔知咩名 ) ，包的去喀拉庫里湖。牙都未擦，頭又未梳即仆落樓，個天仲未光，要到 11 點先完全光，少不了 o係車上怒訓啦 !!
今次包 o既車其實係一架的士，八點幾，個天都仲未光得哂，日出時間好慢。
雖然呢次唔係登山，但係見到沿途經過 o既山，都有一登 o既欲望，真係好靚 !!
去到邊境站時，一定要親身行過去 !! 呢度海拔 2400m 左右，叫? ( 蓋 ) 孜村。過完再走多少少爛路，十一點左右終於到湖邊了。
過完關繼續出發，雪山就近在咫尺，令人興奮 !!!
想講講塔什庫爾干呢個地方，大家可能知道最出名係帕米爾高原 o既石頭城，但係要知道喀什每日只有一班車去塔城， miss 左就攬 ~~ 雀尾架喇 !
中途又有小販擺賣，我只對附近環境有興，個湖吸引過粒蛋蛋喎，對面 o既山似係由沙組成。
由於的士性能麻麻，遇上壞車問題。o係司機整車之時四圍逛下啦， wa ，對面個湖想點 ? 平靜到呢黎講……行多幾步，原來慕士塔格峰就 o係眼前 !!
門票成 $20 ，一致通過唔買 !!! o 個度風好大，他媽的大風，吹跌埋我 DC ，頂 ~~ 同行一位姐姐就跌壞了 DC ，慘 !! 喀拉庫里湖途中海拔最高 3680m 。日頭大風到顛 !! 又曬，湖面好藍又有雪山映襯下，影兩三個鐘相。
傳說 St Elmo 年青時黎過喀湖，從此黎呢度 o既遊客都要 Elmo 化一番。好彩有帶羊仔帽，呢度大風到令人頭痛，帶左帽真係好有用，暖好多。
到一吉爾吉斯族 o既帳篷坐，囊餅 $15 ，真係好狼，講價 $5!! 其實佢地係 sell d 手工藝品，但天價囉 ~~ 同行 o既朋友買完都唔留太耐了。
歸途時的士行幾個鐘又要停一停，車太熱，?又俾石頭界爛了，換?攪左一陣就出發了。
終於攪到七點幾先返到賓館，吃飯去，再次同峰大哥晚飯，返到去都好累了，極速入睡大法，啟動 ~~ 今日釗坐早機早走了，再次開始獨行。
Day 4 (27.08.05) 雞同鴨講
今日去睇婚禮，先去另外一個汽車站買票到和田 $78 ，上鋪，晚上 2200 開出。喀什海拔約 1450m 左右，曬到顛 ~~ 晚間清涼，街上規劃完善，馬路竟然有俾行人 o既紅綠燈，仲要係 d 人會遵守交通規則，簡直令人感動 ~~ 街上 o既小朋友都會好 nice ，“d 小孩子見到我都會打招呼呀 ” ，d 人 o既笑容好真誠。但漢餐比較難搵到，d 人都唔太講到漢語，問路會好困難，呢一點要注意 !!
又見到佢地喇，佢地係我 o既早餐 + 午餐，有機會大家可以試下買黎飲。
喀什市內會見到毛主席向係揮手，整體黎講喀什俾人感覺幾乾淨，感覺良好。
喀什 o既日照好長，要 10 點幾個天先會全黑 !! 呢度 o既小朋友真係好鍾意影相，一見你拎住相機就會蜂擁而來，o係 DC 上見到自己又會勁開心，所以要同佢地影相係唔難 o既。
喀什市 o既民房區同城市完全唔同感覺，呢度鄉土氣息濃 d ，個人都幾鍾意。
呢度係阿薩媽媽 o既屋企，大到攬 ~~ 雀尾 !!
尋晚影唔清，呢 d 就係佢地用黎招呼客人 o既食物，酸奶當然係唔少得啦。
阿薩媽媽仲整左 d 2036 俾我食，內含羊肉……
呢度 o既小朋友真係好多都好靚仔。
純真的笑臉大平賣。
個人覺得佢幾不俗。
打的去左另一個鎮，係 o係郊區黎 o既，車程都要半個鐘，去到婚禮時，入面 o既人又要爭相影相，忙得不可開交 !!
晚餐入左一間寬敞 o既房，大家坐 o係地上，房間有塊大鏡，食物放 o係中間 o既大地毯上，有唔少得 }